Fréttir

Bæjarstjórn samþykkir að greiðslu fasteignagjalda í mars, apríl, maí og júní hjá einkafyrirtækjum sem hafa orðið fyrir verulegu tekjutapi vegna áhrifa COVID-19 verði frestað þannig að þeir gjalddagar komi til greiðslu síðar.

Stöndum saman, hlúum hvert að öðru. Fylgjumst með nágrönnum og vinum og munum að við erum öll saman í þessari baráttu.

Á fundi bæjarstjórnar þann 27. mars 2020 fór bæjarstjóri yfir hver staða einstakra stofnana er í lok viku 13 2020. Hér má lesa stöðuskýrsluna í heild sinni. Jafnframt kynnti bæjarstjóri fundapunkta frá fundi í vettvangsstjórn og í aðgerðastjórn sem haldnir hafa verið í þessari viku en aðgerðarstjórn fundar nú einu sinni á dag.

Útbreiðsla Covid-19 veirunnar getur orðið til þess að valda erfiðleikum við að veita þjónustu og skapað álag á vissum starfsstöðvum þar sem sinnt er þjónustu við viðkvæmustu hópana, t.d. aldraða, fatlaða og börn.

Vegna hertra aðgerða í baráttunni við Covid-19 verður bókasafnið lokað frá og með morgundeginum 23. mars. Starfsfólk mun skipta með sér vöktum og taka á móti pöntunum á bókum og öðrum safngögnum í síma og tölvupósti.

Á fundi bæjarráðs þann 19. mars 2020 fór bæjarstjóri yfir hvernig stjórnendur Hveragerðisbæjar hafa undirbúið stofnanir og breytt þjónustu í samræmi við bestu leiðbeiningar á hverjum tíma vegna COVID-19.