Frístundaþjónusta

,,ATH vefsíðan er í uppfærslu"

Samkvæmt 16. gr. laga nr. 38/2018 skulu sveitarfélög bjóða fötluðum börnum og ungmennum upp á frístundaþjónustu eftir að reglubundnum skóladegi þeirra lýkur, og eftir atvikum áður en dagleg kennsla hefst, svo og á þeim dögum, öðrum en lögbundnum frídögum, þegar skólar starfa ekki. Þessi þjónusta tekur við af almennri frístundaþjónustu grunnskóla sbr. 33. gr. grunnskólalaga nr. 91/2018, og henni lýkur þegar viðkomandi lýkur framhaldsskóla.

Frístundamiðstöðin Bungubrekka hefur yfirumsjón á skipulagningu og rekstri á því frístundastarfi sem sveitarfélagið ber ábyrgð á og býður upp á. Þar má nefna frístundaheimilið sem er þjónusta fyrir börn í 1.-4. bekk, félagsmiðstöðina sem er þjónusta fyrir börn og unglinga í 5.-10. bekk ásamt skipulögðu frístundastarfi yfir sumartíman fyrir fjölbreytta aldurshópa.

Börn með stuðningsþarfir eiga rétt á stuðning í frístund Samkvæmt 6. gr. Reglna um þjónustu frístundaheimila í Hveragerði. Í reglunum gilda reglur um forgangsröðun barna í frístundaheimili. Vottorð frá viðurkenndum viðeigandi aðilum og greiningaraðila þurfa að fylgja með umsókn ef forgangur á að gilda. Forgangur gildir um:

• Börn einstæðra foreldra.
• Börn með fatlanir.
• Börn sem búa við félagsleg/andleg eða líkamleg frávik en eru ekki greind fötluð.
• Börn sem búa við erfiðar félagslegar aðstæður að mati sérfræðinga.
• Börn námsmanna, séu báðir foreldrar í fullu námi.
• Börn í 1. og 2. bekk

Hér má lesa Reglur um þjónustu frístundaheimila í Hveragerði
Leiðbeiningar fyrir sveitarfélög varðandi framkvæmd frístundaþjónustu fyrir fötluð börn og ungmenni
Frístundamiðstöðin Bungubrekka
Frístundamiðstöðin Bungubrekka á facebook
Frístundamiðstöðin Bungubrekka á Instagram