Hveragerði

Laugardaginn 22. febrúar býður Bókasafnið í Hveragerði, í samstarfi við félagið Vigdísi—vini gæludýra á Íslandi, börnum að lesa fyrir hund sem er sérstaklega þjálfaður til að hlusta á upplestur. Lestrarstundirnar eru hugsaðar fyrir læs börn á grunnskólaaldri og miða að því að auka öryggi barna við lestur.

Næsti fundur leshrings bókasafnsins verður haldinn fimmtudaginn 27. febrúar. Þá verður fjallað um skáldsöguna Ráðgátan Henri Pick eftir franska rithöfundinn David Foenkinos. Það verður heitt á könnunni að vanda og öll velkomin. Eintök af bókinni má nálgast í afgreiðslu bókasafnsins.

Leshringur bókasafnsins er haldinn síðasta fimmtudag í mánuði kl. 17-18. Fimmtudaginn 27. mars verður fjallað um skáldsöguna Litir í myrkrinu eftir Ólöfu Dóru Bartels Jónsdóttur. Það verður heitt á könnunni að vanda og öll velkomin. Eintök af bókinni má nálgast í afgreiðslu bókasafnsins.