Fréttir

Fyrsti fundur nýrrar bæjarstjórnar var þriðjudaginn 7. júní sl. Á fundinum var meðal annars kosið í nefndir, ráð og stjórnir sveitarfélagsins.

Salomon Hengill Ultra fór fram í miðbæ Hveragerðis um helgina. Þetta er ellefta árið sem keppnin fer fram en utanvegahlaup hafa vaxið gríðarlega í vinsældum á síðustu árum. Alls voru 1138 keppendur skráðir til leiks og áttu allir frábæra daga í Hveragerði.

Hveragerði iðar að lífi um helgina þegar lengsta og fjölmennasta utanvegahlaup landsins fer fram! Mótið verður ræst í miðbæ Hveragerðis á föstudaginn kl. 14:00

Listasafn Árnesinga fékk úthlutað á degi barnsins hæsta styrk frá Barnamenningarsjóði Íslands 6 milljónir til að halda áfram með að færa safnið og listamenn sem vinna með safninu inn í skólastofur í Árnessýslu.

Ég vil í lok þessa síðasta vinnudags míns sem bæjarstjóri Hveragerðisbæjar senda öllum Hvergerðingum sem og öðrum sem ég hef unnið með á þessum vettvangi mínar bestu kveðjur og þakklæti fyrir einstakt samstarf og vináttu undanfarin 16 ár. 

Afpöntun á dúk Hamarshallarinnar er möguleg samkvæmt samtali bæjarstjóra við forsvarsmenn Duol. Ný bæjarstjórn ætti því ekki að vera bundin af fyrri ákvörðun um endurreisn Hamarshallarinnar og getur nú þegar hafið könnun á öðrum valkostum. Fyrstu tölur um tjónabætur eru 108 m.kr..

Á kjörskrá voru 2.284 kjósendur. Á kjörstað voru greidd atkvæði 1.771 og kjörsókn því 77.5%.

Verið er að endurnýja og stækka gufulögn frá sundlaugarkeri að sundlaugarhúsi og því sundlaug lokuð til 4. júní n.k.

Frístundamiðstöðin Bungubrekka bíður upp á fjölbreytt sumarnámskeið fyrir börn og unglinga í Hveragerði fædd á árunum 2010-2016 sumarið 2022. Skráning opnar 13. maí og fer í gegnum "Sportabler".