Listasafn Árnesinga fékk úthlutað úr Barnamenningarsjóði

Listasafn Árnesinga fékk úthlutað á degi barnsins hæsta styrk frá Barnamenningarsjóði Íslands 6 milljónir til að halda áfram með að færa safnið og listamenn sem vinna með safninu inn í skólastofur í Árnessýslu. Alls var úthlutað 92 milljónum króna úr sjóðnum til 34 verkefna.

Á myndinni eru Kristín Scheving safnstjóri og Alda Rose verkefnastjóri fræðslu með Katrínu Jakobsdóttur forsætisráðherra, Lilju Alfreðsdóttur menningar- og viðskiptaráðherra og Kolbrúnu Halldórsdóttur

Þetta er fjórða úthlutun sjóðsins sem stofnaður var í tilefni aldarafmælis fullveldisins. Hlutverk sjóðsins er að fjármagna og styðja við fjölbreytta starfsemi á sviði barnamenningar með áherslu á sköpun, listir og virka þátttöku barna í menningarlífi.