Fréttir

Bæjarstjórn ítrekar mikilvægi þess að veginum um Hellisheiði sé haldið opnum sé þess nokkur kostur. Fjölmargir sækja vinnu og/eða skóla á milli Suðurlandsundirlendisins og höfuðborgarsvæðisins og fjölgar sífellt í þeim hópi.

Grænu og brúnu tunnurnar verða losaðar eftir helgi því þarf að passa að vel sé mokað frá svo hægt sé að sinna þjónustunni.

Með þessari framkvæmd má segja að lokahnykkur á uppbyggingu í austur hluta bæjarins sé farinn í gang en framkvæmdin nú felst í lagningu Þelamerkur frá Leikskólanum Undralandi og niður á Sunnumörk auk Hólmabrúnar og umfangsmikillar vinnu við fráveitu á svæðinu. 

Hveragerðisbær skipar sér í efsta sæti sveitarfélaga þegar spurt er um heildaránægju íbúa með sveitarfélagið sem stað til þess að búa á en niðurstaða þjónustukönnunar sveitarfélaga 2021 var lögð fram á fundi bæjarstjórnar þann 10. febrúar 2022. 

Það er opið hjá Rauða krossinum, Hveragerðisdeild, alla fimmtudaga milli kl. 13:00 - 16:00 að Mánamörk 1. Þar er hægt að kaupa afar ódýran fatnað bæði fyrir börn og fullorðna. Nú má finna þar ýmislegt vandað og gagnlegt fyrir vetrarríkið sem hér er.

Veðrið er gengið niður var reyndar aldrei jafn vont og spáð var sem betur fór. Búið er að moka flestar götur og bærinn greiðfær akandi vegfarendum.

Leikskólar og grunnskólinn í Hveragerði verða lokaðir á morgun og allar stofnanir Hveragerðisbæjar eru lokaðar til hádegis á morgun vegna mjög slæms veðurs sem gert er ráð fyrir að gangi yfir svæðið síðla nætur og í fyrramálið. Fylgist með tilkynningum í fyrramálið á heimasíðu bæjarins og á facebook.

Bæjarstjórn hefur samþykkt að taka lægsta tilboði frá Arnon ehf enda uppfyllti bjóðandi öll skilyrði útboðsgagna. Er tilboðið 75,9% af kostnaðaráætlun verksins sem verður að teljast harla góð niðurstaða fyrir bæjarfélagið.  Hefur samningur um verkið verið undirritaður og því munu framkvæmdir á svæðinu hefjast fljótlega. 

Bæjarráð fagnar þeirri tillögu sem þarna er komin fram og þar með því að fyrirhugað sé að gera úttekt á tryggingavernd og úrvinnslu tjóna í kjölfar náttúruhamfara.

Öllum lóðum í fyrsta áfanga Kambalands hefur nú verið úthlutað en við hverja úthlutun hafa borist margfalt fleiri umsóknir en hægt er að verða við.