Fréttir

Bæjarráð fagnar þeirri tillögu sem þarna er komin fram og þar með því að fyrirhugað sé að gera úttekt á tryggingavernd og úrvinnslu tjóna í kjölfar náttúruhamfara.

Öllum lóðum í fyrsta áfanga Kambalands hefur nú verið úthlutað en við hverja úthlutun hafa borist margfalt fleiri umsóknir en hægt er að verða við.

Fjórar sýningar opna laugardaginn 5. febrúar í Listasafni Árnesinga í Hveragerði og standa þær allar til 22. maí næstkomandi. Í þessum ólíku en þó samhljóma sýningum er yfirborðið ekki sem sýnist. Hver og einn þessara listamanna kannar á sinn hátt mörk þess hvernig við skynjum yfirborðið, það er staðinn þar sem líkamar okkar enda og heimurinn hefst.

Álagningaseðlar eru ekki sendir út heldur eru þeir birtir rafrænt á vefsíðunni www.island.is undir „Mínar síður“ og er innskráning með rafrænum skilríkjum eða með íslykli.

Frá opnun laugarinnar 17. júlí síðastliðinn, að loknum viðamiklum endurbótum á neðri hæð sundlaugarhússins hefur hitavandamál í Sundlauginni Laugaskarði orðið tilefni umræðu í bæjarfélaginu. Oftast hefur hér verið um að ræða vanda sem tengist sturtum og heitum pottum en ekki sundlaugarkerinu sem er hituð með beinni gufuinnspýtingu. Fjölmargar aðgerðir til úrbóta hafa verið prófaðar og hafa samskipti við sérfræðinga verið mikil og góð varðandi hitavandamál sundlaugarinnar

Bjarg íbúðafélag hefur opnað fyrir umsóknir vegna leiguíbúða í Langahrauni 28-46 í Hveragerði. Umsóknir og nánari upplýsingar á heimasíðu félagsins www.bjargibudarfelag.is.

Fjórðu drög að endurskoðaðri skólastefnu liggja nú fyrir og að þessu sinni leitar starfshópurinn til íbúa og óskar eftir hugmyndum að leiðarstefi skólastefnu sveitarfélagsins og efnislegum athugasemdum. Opið verður fyrir athugasemdir til 1. febrúar en þá tekur starfshópurinn til við að ljúka textagerðinni.

Bæjarstjórn Hveragerðisbæjar samþykkti þann 13. janúar 2022 að auglýsa samhliða tillögu að breytingu á aðalskipulagi Hveragerðisbæjar 2017-2029 á svæði suðaustan við Hengladalaá skv. 31. gr. skipulagslaga nr. 123/2010 og tillögu að breytingu á deiliskipulagi Árhólmasvæðis í Hveragerði, skv. 43. gr. sömu laga.