Fréttir

Í tilefni þess að Hveragerðisbær er að taka í notkun One Land Robot sem er rafrænt umsóknar og afgreiðslukerfi fyrir byggingarmál munu starfsmenn byggingar- og skipulagsdeildar sitja kynningu og námskeið þess efnis n.k. mánudaginn 12. febrúar. 

Menningar-, atvinnu- og markaðsnefnd Hveragerðisbæjar hefur lokið við úthlutun á dvöl í listamannahúsinu Varmahlíð fyrir árið 2024. Alls bárust 36 umsóknir og var ákveðið að 15 fengju úthlutun.

Starfsmenn Golfvallar Hveragerðis hafa troðið tvö gönguspor á golfvellinum og er brautin um 700 metrar. Það skefur hratt í en reynt verður að halda þeim við eins og hægt verður næstu daga. Grunnt er á einum stað en þetta er á grasi svo það ætti ekki að gera neitt nema hægja á.

Í gær var undirritaður samningur um stækkun leikskólans Óskalands. Samningurinn er þríhliða á milli Hveragerðisbæjar, byggingaraðilans Hrafnshóls og fasteignafélagsins Eikar, sem fjármagnar stækkunina.

Undirritun nýs þjónustusamnings milli Hveragerðisbæjar og Listasafns Árnesinga var undirritaður í Listasafninu í gær. Samningurinn er til þriggja ára, til ársloka 2026. Meginmarkmið samningsins er að auka samstarf Hveragerðisbæjar og Listasafnsins og efla þar með menningarstarf, sýningahald og safnastarf í bænum. Samningurinn fellur að stefnu Hveragerðibæjar þar sem meðal annars er gert ráð fyrir að unnið sé með sérstöðu bæjarins á sviði lista og að byggð sé upp skapandi menning í bænum.