Fréttir

Það vantaði ekkert upp á hugmyndirnar hjá unga fólkinu í Skjálftaskjóli þegar menningar-, atvinnu- og markaðsfulltrúi heimsótti þau í opið ungmennaráð sl. þriðjudag. Tilgangur heimsóknarinnar var að ræða við þau um hátíðahöld í Hveragerði og fá fram skoðanir þeirra og hugmyndir á því hvað þau vildu helst sjá og gera á slíkum hátíðum.

Nú þegar vorið er komið (vonandi) er rétti tíminn til að taka rækilega til í kring um sig. Þess vegna verður hreinsunarvika í bænum vikuna 27. apríl til 5. maí .

Sólin skein og hátíðlegur blær var í lofti þegar Guðni Th. Jóhannesson, forseti Íslands, afhenti Umhverfisverðlaun Hveragerðisbæjar 2024 í gær, á sumardaginn fyrsta í Garðyrkjuskólanum á Reykjum. Forsetinn naut liðsinnis hins nýja bæjarstjóra Hveragerðisbæjar, Péturs Markan, við afhendinguna. 

Hveragerðisbær undirritaði þjónustusamninga við Skátafélagið Strók og Golfklúbb Hveragerðis síðastliðinn föstudag, 5. apríl. Í dag var síðan undirritaður samningur við Hjálparsveit skáta í Hveragerði, HSSH.

Á fundi bæjarráðs í gærmorgun var í fyrsta skipti skrifað undir fundargerð með rafrænum hætti í stjórnsýslu Hveragerðisbæjar og fylgdi menningar-, atvinnu- og markaðsnefnd í kjölfarið seinni part dags. Stefnt er að því að bæjarstjórn undirriti fundargerð sína með rafrænum hætti í fyrsta skipti á fundi sínum í næstu viku og að aðrar nefndir bæjarins fylgja svo í kjölfarið.