Fréttir

Árið 2017 var gerð úttekt á trjágróðri Hveragerðisbæjar og gerður listi yfir tré sem þykja merk og njóta nú hverfisverndunar. Bekkur hefur fengið betra pláss undir garðahlyn við Heiðmörk 21.

Undanfarin ár hefur viðburðadagatalið, Jól í bæ, verið gefið út á vegum bæjarins þar sem er tíunduð dagskrá kirkjunnar, félaga, safna og skóla í jólamánuðinum.

Hveragerðisbær óskar eftir tilboðum í verkið Kambaland III áfangi 2020

Um þessar mundir er garðyrkjufulltrú Hveragerðisbæjar með átak í trjáklipppingum. Farið verður um allar götur bæjarins og þar sem við á eru garðaeigendur hvattir til að snyrta trjágróður sem uppfylla ekki skilyrði byggingareglugerðar innan 14 daga. Að örðum kosti mun Hveragerðisbær snyrta trén á kostnað garðeigenda.

Að ganga úti í náttúrunni skapar vellíðan, eykur góða skapið og minnkar kvíða. Við þurfum að gefa okkur að minnsta kosti um 30 mínútur á dag til að vera úti og hreyfa okkur. Í Hveragerði eru fjölmargar skemmtilegar og fallegar gönguleiðir og er tilvalið að fjölskyldan fari í göngu saman eða bara að njóta þess að ganga einn með sjálfum sér og anda að sér fersku lofti.

Snjallgangbraut hefur verið tekin í notkun á Breiðumörk á móts við Skyrgerðina og eykur hún öryggi vegfarenda til mikilla muna.

Líkt og áður hefur komið fram var hert á viðbragðsáætlun hjá í Grunnskólanum í Hveragerði með tilkomu þriðju bylgju Covid 19.

Samstarfsnefnd um opinber fjármál, SOF, hefur samþykkt beiðni frá heilbrigðisráðuneytinu, dags. 25. ágúst 2020, þar sem óskað er eftir heimild til áætlunargerðar og fullnaðarhönnunar vegna byggingu 22 rýma nýbyggingar andspænis núverandi hjúkrunarheimili í Hveragerði á grundvelli frumathugunar sem lá fyrir í ágúst 2020.

Bæjarfulltrúar Hveragerðisbæjar hafa ákveðið að taka höndum saman og vinna í sameiningu að fjárhagsáætlunargerð bæjarins fyrir árið 2021 eins og þeir hafa gert undanfarin ár. Allir bæjarfulltrúar hvar í flokki sem þeir standa eru sammála um að efnahagslegt umhverfi sveitarfélaga nú sé með þeim hætti að brýna nauðsyn beri til að bæjarfulltrúar komi samhentir að þeirri vinnu sem framundan er við gerð fjárhagsáætlunar Hveragerðisbæjar fyrir árið 2021 og að gerð þriggja ára áætlunar. 2022-2024.

Ný samþykkt og gjaldskrá um götu‐ og torgsölu í Hveragerðisbæ var lögð fram og samþykkt á fundi bæjarráðs þann 15. október 2020. Tilgangur samþykktarinnar er að glæða bæjarfélagið lífi, efla bæjarbrag og að auka við fjölbreytni í starfsemi og þjónustu bæjarins.