Tillaga að breytingu á aðalskipulagi Hveragerðisbæjar 2017-2029 - Fagrihvammur, nýtt íbúðarsvæði.
Bæjarstjórn Hveragerðisbæjar samþykkti þann 10. febrúar 2022 að auglýsa tillögu að breytingu á aðalskipulagi Hveragerðisbæjar 2017-2029, forsendur hennar og umhverfismat, skv. 31. gr. skipulagslaga nr. 123/2010. Breytingin, sem nær til 4,6ha. svæðis í og við Fagrahvamm, felur í sér að ríkjandi landnotkun á svæðinu, sem nú er skilgreind sem athafnasvæði AT3, með heimild fyrir íbúðarbyggð að hluta til, verður skilgreind sem íbúðarsvæði ÍB15, með heimild fyrir verslun- og þjónustu og athafnastarfsemi að hluta til, þar sem áhersla er lögð á ferðaþjónustu og ylrækt.
Breytingartillagan liggur frammi á bæjarskrifstofu Hveragerðisbæjar að Breiðumörk 20, frá og með mánudeginum 7. mars til og með föstudeginum 22. apríl 2022 og er auk þess aðgengileg á heimasíðu Hveragerðisbæjar www.hveragerdi.is
Þeim sem telja sig eiga hagsmuna að gæta er hér með gefinn kostur á að gera athugasemdir við tillöguna. Athugasemdir skulu vera skriflegar og skulu berast skipulagsfulltrúa Hveragerðisbæjar í síðasta lagi mánudaginn 25. apríl 2022, annaðhvort á bæjarskrifstofu Hveragerðisbæjar að Breiðumörk 20, 810 Hveragerði eða í tölvupósti á netfangið mottaka@hveragerdi.is
Skipulagsfulltrúi Hveragerðisbæjar