Hreinsunarvika og plokkdagurinn mikli!

Nú þegar vorið er komið (vonandi) er rétti tíminn til að taka rækilega til í kring um sig. Þess vegna verður hreinsunarvika í bænum vikuna 27. apríl til 5. maí . Þá verður frítt fyrir Einstaklinga að koma á gámasvæðið í Bláskógum með það sem þeir þurfa að losa sig við. Þá verður einnig opið á sunnudaginn 5. maí frá kl. 12 – 16.

Þann 27. apríl verður Plokkdagurinn Mikli haldin en þá fara vonandi allir af stað og taka til og „plokka“ upp rusl vetrarins í bænum. Stefnt er að því að hittast við Lystigarðinn Fossflöt klukkan 10 um morguninn. Pokar og ruslatínur verða á staðnum fyrir þá sem það vilja. Flott byrjun á hreinsunarvikunni að taka góðan ruslahring um bæinn!