Guðbjörg Íslandsmeistari í Crossfit 2022

Guðbjörg Valdimarsdóttir varð Íslandsmeistari í Crossfit í opnum flokki kvenna um liðna helgi. Crossfit Reykjavík hélt Íslandsmótið að þessu sinni.
Keppnin var mjög jöfn í kvennaflokknum í ár. Eftir annan keppnisdaginn deildi Guðbjörg fyrsta sætinu með Jóhönnu Júlíu Júlíusdóttur. Á lokadeginum var keppt í tveimur greinum og sýndi Guðbjörg mikla yfirburði í fyrri grein dagsins sem var lyftingaæfing (clean/frívending). Hún bætti sinn persónulega árangur í lyftunni, 106 kg, sem gaf henni gott forskot fyrir lokagreinina.

Innilega til hamingju með frábæran árangur.