Eric Máni Guðmundsson er Íþróttamaður Hveragerðis 2023

28.12

Frétt

Íþróttamaður Hveragerðis 2023

Það var Eric Máni Guðmundsson sem kjörinn var Íþróttamaður Hveragerðis árið 2023 fyrir framúrskarandi árangur í motocrossi.

Eric Máni er 16 ára gamall og var að klára fimmta keppnissumarið sitt þar sem hann nældi sér í þriðja Íslandsmeistaratitilinn á ferlinum. Hann vann allar keppnir sumarsins. Að auki er hann í landsliðinu undir 21 árs. Eric Máni fór að æfa hjá Motocrossdeild UMFS sumarið 2023 og er öðrum góð fyrirmynd í sportinu.

Eric Máni er staddur í æfingaferð á Spáni og því tók amma hans, Sigríður Kristjánsdóttir, við viðurkenningunni fyrir hans hönd.

Eric Máni, íþróttamaður Hveragerðis 2023

Fimm aðrir íþróttamenn voru tilnefndir til Íþróttamanns Hveragerðis úr mismunandi íþróttagreinum:

Badmintondeild
Úlfur Þórhallsson hefur átt gott ár og tekið jöfnum framförum. Hann er fyrirmynd ungra badmintonspilara innan vallar sem utan.

Blakdeild
Hafsteinn Valdimarsson var lykilmaður í liði Hamars sem varð bikar- og deildarmeistari á árinu. Hann lék einnig með landsliði Íslands sem tók þátt í smáþjóðamóti í júní en þar náði liðið þriðja sæti í mótinu. Hann hefur verið lykilleikmaður í sínum liðum og er til mikillar fyrirmyndar jafnt innan vallar sem utan.

Körfuknattleiksdeild
Björn Ásgeir Ásgeirsson stóð sig mjög vel í úrslitakeppninni í fyrstu deildinni í vor og átti stóran þátt í að koma Hamri aftur í efstu deild. Hann hefur tekið miklum framförum á þessu tímabili og átt mjög góða leiki í Subway deildinni.

Knattspyrnudeild
Brynjar Óðinn er fyrsti iðkandinn hjá Knattspyrnudeild Hamars til að vera valinn í keppnishóp U15 landsliðsins.

Lyftingafélagið Hengill
Anna Guðrún Halldórsdóttir var að koma aftur til keppni eftir tveggja ára hlé. Hún keppti á jólamóti LSÍ sunnudaginn 17. Desember sl. Þar setti hún Íslandsmet þegar hún snaraði 54 kg sem hún bætti svo í lyftu nr. 3 þegar hún snaraði 57 kg. Einnig setti hún met meö öllum þremur lyftunum í jafnhendingu, fyrst með 73 kg, svo 77 kg og loks 80 kg. Anna Guðrún, sem fædd árið 1969, á því í dag Íslandsmet í snörun, jafnhendingu og samanlögðu í öllum aldursflokkum frá 35 ára í 87 kílóa flokki kvk.

Einnig voru veittar viðurkenningar til þeirra sem hafa unnið Íslands- og bikarmeistaratitla á árinu auk þeirra sem hafa verið valdir í landslið. Eftirfarandi íþróttamenn hlutu slíkar viðurkenningar:

Kristján Valdimarsson
Bikarmeistari BLÍ og valinn í A-landslið BLÍ

Hafsteinn Valdimarsson
Bikarmeistari BLÍ og valinn í A-landslið BLÍ

Haraldur Örn Björnsson
Bikarmeistari BLÍ

Brynjar Óðinn Atlason
Valinn í landslið KSÍ U-15

Kristján Hlíðdal Gunnarsson
Valinn í landslið KKÍ U-15

Helga María Janusdóttir
Valin í landslið KKÍ U-20

Lúkas Aron Stefánsson
Valinn í landslið KKÍ U-18

Halldór B. Halldórsson
Valinn í landslið KKÍ U-16

Annað landsliðsfólk frá Hveragerði:

Hannes Hermann Mahong Magnússon
Valinn í landslið Íslands í Karate í Fylki

Eric Máni Guðmundsson
Valinn í landslið Íslands í motocross umf. Selfoss

Erlingur Arthúrsson
Valinn í landslið eldri kylfinga golf, GHG