Starfsmenn bæjarins fá frítt í sund

Starfsfólk stofnana bæjarins hafa óskað eftir hvata til að stunda hreyfingu og er gjaldfrjáls aðgangur að sundlauginni fríðindi sem stuðla að líkamlegri og andlegri heilsu.

Hveragerðisbær hefur ákveðið að vinna markvisst að heilsueflingu þeirra sem í bænum búa og starfsmanna sinna. Holla valið þarf að vera eins auðvelt og kostur er s.s. að hreyfa sig, borða hollt, rækta geðið og ástunda grænan lífsstíl á sama tíma og spornað er gegn áhættuhegðun s.s. neyslu tóbaks, áfengis og annarra vímuefna.