Aníta Líf íþróttamaður Hveragerðis 2017

Það er menningar-, íþrótta- og frístundanefnd sem velur íþróttamann Hveragerðis en leitað var eftir tilnefningum frá félögum og deildum í Hveragerði og frá sérsamböndum ÍSÍ. Allar tilnefningar sem bárust eru frá aðildarfélögum ÍSÍ. Allir íþróttamennirnir hafa sýnt mikinn metnað til að ná langt í sinni íþróttagrein og eru svo sannarlega góð fyrirmynd fyrir bæinn og yngri íþróttamenn.

Eftirtaldir íþróttamenn voru í kjöri íþróttamanns Hveragerðis 2017:

• Aníta Líf Aradóttir, lyftingakona
• Dagný Lísa Davíðsdóttir, körfuknattleikskona
• Fannar Ingi Steingrímsson, golfari
• Hekla Björt Birkisdóttir, fimleikakona
• Kristján Valdimarsson, blakmaður
• Kristrún Rut Antonsdóttir, knattspyrnukona
• Ragnar Ágúst Nathanaelsson, körfuknattleiksmaður
• Úlfar Jón Andrésson, íshokkímaður

Einnig fengu 8 íþróttamenn viðurkenningu fyrir að hafa orðið Íslands- eða bikarmeistari á árinu.