Skipulags- og umhverfisnefnd

Hafin er vinna við deiliskipulag fyrir heshúsabyggð að Vorsabæjarvöllum og golfvöll Hveragerðisbæjar í Gufudal, sem tilheyra íþróttasvæði ÍÞ 1 og 2 í aðalskipulagi.

Leitað var tilboða í deiliskipulagsvinnuna og samþykkt að taka tilboði Dagnýjar Bjarnadóttur landslagsarkitekts á DLD land design. Dagný kynnir stöðu vinnu við deiliskipulagið fyrir nefndinni.

Lovísa Bjarnadóttir sendir tölvupóst þann 23. ágúst þar sem hún lýsir hættu fyrir hestamenn í Reykjadal og fer fram á úrbætur til þess að bæta öryggi allra hlutaðeigandi.

Erindið var tekið fyrir á fundi bæjarráðs þann 5. september sl. og eftirfarandi bókað: „Bæjarráð samþykkir að vísa erindinu til skipulags- og umhverfisnefndar og menningar-, atvinnu- og markaðsnefndar til frekari umræðu.“

Sabine Bernholt sendir tölvupóst þann 29. ágúst þar sem hún lýsir hættu fyrir hestamenn vegna bíla sem lagt er ólöglega. Myndir fylgja erindi.

Erindið var tekið fyrir á fundi bæjarráðs þann 5. september sl. og eftirfarandi bókað: „Bæjarráð samþykkir að vísa erindinu til skipulags- og umhverfisnefndar og menningar-, atvinnu- og markaðsnefndar til frekari umræðu.“

Lögð er fram óveruleg deiliskipulagsbreyting vegna leikskólans Óskalands dags. 25. september 2024. Markmið breytingarinnar er að stækka lóð Réttarheiði 45 óverulega, þannig að tengibygginging á milli núverandi leikskóla og nýrrar viðbyggingar verði að mestu leyti innan lóðar Réttarheiði 45.

Lögð er fram fundargerð frá fundi um málefni Pure North frá 7. ágúst 2024.

Fundargerðin var tekin til afgreiðslu á fundi bæjarráðs þann 22. ágúst s.l. Af því tilefni var eftirfarandi bókað: „Bæjarráð samþykkir að vísa fundargerðinni til skipulags- og umhverfisnefndar til umræðu. Bæjarstjóra falið að hefja viðræður við Pure North um framtíðarstaðsetningu starfseminnar.“

Lagt er fram bréf Birgis Sigurðssonar vegna sorpmála á Dalahrauni.

Bréfið var tekið fyrir á fundi bæjarráðs þann 22. ágúst s.l. Af því tilefni var eftirfarandi bókað: „Bæjarráð samþykkir að vísa málinu til skipulags- og umhverfisnefndar til umræðu og einnig er óskað eftir að byggingarfulltrúi og umhverfisfulltrúi Hveragerðisbæjar skili inn umsögnum um erindið til nefndarinnar.“

Lagt fram bréf Atla Arnar Egilssonar sem barst með tölvupósti þann 12. júní s.l.

Í bréfinu lýsir Atli áhyggjum af fótgangandi vegfarendum í nágrenni leikskólans Undralands. Merkingum sé ábótavant, hraðahindranir hafi lítil áhrif og gangbrautir séu ekki við alla göngustíga.

Lagður er fram tölvupóstur frá Kára Arnarssyni dags. 8. júní 2024. Með tölvupóstinum er sóst eftir að verkefnið Sólstofan Hveragerði nái fram að ganga sumarið 2025 og að bæjaryfirvöld geri ráð fyrir verkefninu í komandi fjárhagsáætlun fyrir næsta ár.

Kári Arnarson og Brynjar Magnússon kynntu á fundi nefndarinnar þann 30. apríl s.l. tillögu að sama verkefni fyrir nýliðið sumar. Ekki var þá möguleiki á að verða við beiðninni.

Lagt fram fundadagatal skipulags- og umhverfisnefndar fyrir veturinn 2024-2025. Lagt er upp með að funda einu sinni í mánuði á þriðjudögum, rúmri viku fyrir bæjarstjórnarfundi.

Lagt fram bréf frá Skipulagsstofnun dags. 20. september 2024 þar sem vakin er athygli fagfólks, kjörinna fulltrúa og áhugafólks um skipulagsmál á Skipulagsdeginum sem er árleg ráðstefna Skipulagsstofnunar og Sambands íslenskra sveitarfélaga.

Skipulagsdagurinn verður haldinn þann 17. október kl. 9-16 á Hilton Nordica, Suðurlandsbraut 2 í Reykjavík. Skráning á ráðstefnuna er nauðsynleg og verður hún einnig í streymi.

Lagt fram til kynningar bréf Orra Steinarssonar arkitekts hjá JVST Iceland ehf. um breytta notkun lóðanna Öxl 1-6 í aðalskipulagi ásamt kynningargögnum.

Erindið var tekið fyrir í bæjarráði þann 19. september s.l. þar sem bókað var m.a. eftrifarandi: "Meirihluti bæjarráðs tekur vel í erindið og felur bæjarstjóra að boða til fundar með Tálkna ehf. Þá felur meirihluti bæjarráðs bæjarstjóra að leggja erindið inn í yfirstandandi vinnu við endurskoðun aðalskipulags Hveragerðisbæjar. Mikilvægt er að sérstaða Hveragerðisbæjar verði þar útgangspunktur. Minnihlutinn situr hjá."