Skipulags- og umhverfisnefnd

Lögð fram umsókn Kambagils ehf. dags. 13. júní 2024. Umsóknin snýr að leyfisveitingu og styrtarbeiðni vegna lýsingar á stíg meðfram og í Svartagljúfri og við útsýnispall Zip-línu vegna aukinnar umferðar göngufólks á svæðinu. Telja forsvarsmenn Kambagils að með vel ígrundaðri og viðeigandi lýsingu sé hægt að skapa einstaka upplifun fyrir gesti á svæðinu á kvöldin og í skammdeginu sem ýti undir heimsóknir að Svartagljúfri. Hefur félagið fengið verðalunaðan ljósahönnuð til að gera tilboð í verkið. Bent er á að lýsing er afturkræf framkvæmd, hægt er að stýra ljósmagni og sjá til þess að lýsing trufli ekki umferð á Hringvegi um Kambana.

Óskað er eftir leyfi Hveragerðisbæjar fyrir lýsingu á stígum og í Svartárgili sem og styrk úr bílastæðasjóði.

Bæjarráð tók málið fyrir á fundi sínum þann 20. júní 2024 og bókaði: „Bæjarráð samþykkir að vísa málinu til skipulags- og umhverfisnefndar til nánari skoðunar og einnig er bæjarstjóra falið að taka upp samtal við forsvarsmenn Kambagils ehf.“

Forsvarsmenn verkefnisins Hallgrímur Kristinsson eigandi Kambagils og Ágúst Gunnlaugsson ljósahönnuður kynna verkefnið.

Lögð er fram deiliskipulagsbreyting Hólmabrúnar, Dalsbrúnar og Hjallabrúnar dags. 31. maí 2024, breytt 23. ágúst 2024, eftir auglýsingu. Markmið deiliskipulagsbreytingarinnar er að heimila sólstofur við parhús í Hjallabrún, í samræmi við þegar fengnar heimildir fyrir sólstofum í Dalsbrún, og á lóð Hólmabrúnar 20 að heimila byggingu tveggja hæða íbúðarhúss, í samræmi við jarðvegsaðstæður á lóð. Umsagnir bárust frá eftirtöldum aðilum: Skipulagsstofnun dags. 8. júlí og Veitum dags. 9. júlí. Auk þess bárust með tölvupósti athugasemdir frá Elvari Erni Rúnarssyni Hjallabrún 11 dags. 22. júní og Birni og Ástu Hjallabrún 4 dags. 24. júlí. Lögð er einnig fram umsögn skipulagsfulltrúa vegna athugasemda við deiliskipulagsbreytingu.

Lögð er fram tillaga að breytingu á deiliskipulagi miðbæjarsvæðis - breyting vegna íþróttahúss dags. 17. júlí 2024. Breytingartillagan nær til samfélagsþjónustusvæðis S6 þar sem grunnskóla og íþróttahús er að finna. Markmið breytingarinnar er að skipta upp lóðum grunnskóla og íþróttahúss í tvær lóðir, tilfærsla á lóðamörkum innan reitar, flutningur á byggingareit á lóð Breiðamerkur 24, flutningur byggingareit við íþróttahús svo að hann rúmi stækkun á íþróttahúsi með löglegum keppnisvöllum og aðkomubyggingu sem og breytingar á fyrirkomulagi og fjölda bílastæða. Nýtingarhlutfall verður óbreytt 0,6 á reitnum í heild í samræmi við skilmála aðalskipulags.

Lögð er fram að nýju umsókn um breytingu á skrifstofuhúsnæði í íbúðir á Breiðumörk 23.



Þann 23. febrúar 2024 sækir Kristinn G Kristjánsson eigandi þriggja eignarhluta í fasteign á lóð Breiðumerkur 23 um að breyta notkun tveggja eignarhluta á 1. hæð úr skrifstofum í íbúðir. Engar teikningar fylgja umsókn en samþykki meðlóðarhafa fylgir. Erindið var tekið fyrir á 9. fundi skipulags- og umhverfisnefndar þann 4. júní s.l. þar sem afgreiðslu var frestað.



Áður, þann 20. maí 2017, hefur verið sótt um breytingu á notkun og innra fyrirkomulagi 1. hæðar Breiðumerkur 23. Skipulags- og mannvirkjanefnd bókaði þá á fundi sínum að nefndin gerði ekki athugasemd við að 1. hæðinni yrði skipt upp í fjórar einingar verði sótt um byggingarleyfi fyrir framkvæmdinni en að notkun hæðarinnar sem íbúðir samræmdist ekki ákvæðum aðalskipulags.

Aðalheiður Högnadóttir sækir um byggingarleyfi fyrir sólskála við raðhús að Þelamörk 1a þann 8. ágúst 2024. Sólskáli er 7,1 m2 að stærð og er staðsettur sunnan megin við raðhús. Samþykki meðlóðarhafa að Þelamörk 1a-c dags. 12. ágúst fylgir umsókn.



Þelamörk 1a er á íbúðasvæði ÍB2 þar sem ekki er í gildi deiliskipulag. Skilmálar aðalskipulags kveða á um sérbýli á 1 hæð og heimilað nýtingarhlutfall 0,3-0,45. Umsótt byggingarleyfi er í samræmi við landnotkun, byggðamynstur og þéttleika byggðar.

Anna Lind Jónsdóttir sækir um byggingarleyfi fyrir sólskála f.h. eigenda raðhúsa að Lækjarbrún 35, 37, 39, 41 og 43 þann 5. júní 2024.

Í gildi er deiliskipulagið Grænamörk 10, raðhús við Lækjarbrún 1-40 samþykkt í bæjarstjórn árið 2003 og síðast breytt árið 2006. Skv. gildandi deiliskipulagi er ekki heimild fyrir byggingu sólskála þar sem byggingareitur er fullbyggður.