Skipulags- og umhverfisnefnd

Þráinn Hauksson og Anders Terp landslagarkitektar frá Landslagi ehf. kynna frumhönnun stígagerðar meðfram Varmá með áningarstöðum frá Fossaflöt að Baulufossi. Verkefnið fékk styrk úr Framkvæmdasjóði ferðamannastaða.

Lögð er fram umsókn Jóns Ögmundssonar dags. 3. nóvember 2023 um óverulega breytingu á deiliskipulagi athafnasvæðis við Vorsabæ, sem samþykkt var í bæjarstjórn þann 9. maí 2019, vegna lóðanna Vorsabær 8 og 10. Markmið meðfylgjandi deiliskipulagsbreytingar dags. 8. september 2023, breytt dags. 27. nóvember 2023, er að færa til lóðamörk á milli lóðanna um 12,2 m fyrir betri nýtingu lóðar Vorsabæjar 10. Ýtarlegir skilmálar eru settir um raflýsingu. Engin breyting er á notkun, nýtingarhlutfalli, útliti eða formi svæðisins og telst deiliskipulagsbreytingin því óveruleg skv. 2. mgr. 43. gr. skipulagslaga nr. 123/2010.

Lögð er fram óveruleg deiliskipulagsbreyting við deiliskipulag Laufskóga 32-40 sem samþykkt var upphaflega í maí árið 2000. Deiliskipulagsbreyting dags. 26. september 2023, er gerð að beiðni Veitna vegna nýrrar lóðar fyrir dælustöð. Ný lóð er 30m² og fær heitið 9c. Dælustöðin er sett á steypta undirstöðu og kemur stöðin samsett. Samkvæmt upplýsingum framleiðanda stafar hvorki loft- né hljóðmengun frá stöðinni. Stærð dæluhúss er 1,9 x 2,8m eða 5,3m² og hæðin er 2,05m. Engar aðrar breytingar eru gerðar á gildandi deiliskipulagi.

Ingunn Hafstað arkitekt sækir f.h. Helgu Sigurðardóttur um að byggja stakstætt íbúðarhús á landi Fagrahvamms 1 landnr. 171554 skv. meðfylgjandi drögum að aðalteikningum.



Einbýlishúsið er 135 m2 að flatarmáli. Það er að mestu byggt úr timbri en norður- og vesturhliðar verða steyptar. Þakið er flatt, létt þak með vatnshalla og klætt dúk. Veggir verða klæddir standandi timburklæðningu. Breytingar eru gerðar á aðkomu að núverandi íbúðarhúsi Fagrahvamms 1 landnr. 171617 og Fagrahvamms 3 landnr. 171620 (Gulrótarhvamms) skv. framlögðum gögnum.



Landnotkun aðalskipulags er AT3. Á reitnum eru gróðurhús og íbúðarhús og er heimilt að byggja upp yl- og garðyrkjustöð innan reitsins sem og íbúðarhús. Ekkert deiliskipulag er í gildi.

Bölti ehf. sækir f.h. eiganda Heiðarbrúnar 43 um byggingarleyfi fyrir bílskúr með tölvupósti dags. 29. nóvember 2023. Samþykktar aðalteikningar frá 1991 sýna 45 m2 bílskúr á suðvestur horni lóðar með mænistefnu eins og íbúðarhúsið. Plata bílskúrs var steypt en framkvæmdum ekki haldið áfram. Nýjar teikningar sýna breytingar á mænisstefnu þaks og breytingar á útlit bílskúrs frá því sem áður var samþykkt með fækkun hurða úr tveimur í eina ásamt því að ein stór bílskúrshurð er sýnd í stað tveggja minni áður. Hæð upp í mæni hækkar óverulega eða innan við 10 cm. Endanleg hæð mænis verður 3,975m.

Ekki er í gildi deiliskipulag fyrir lóð Heiðarbrúnar 43 og er breytingin því grenndarkynnt.

Reynir Einarsson bendir, í innsendu erindi og með tölvupóstum til tæknideildar, á að bílum sé lagt á snúningssvæði við enda botnlangagötu raðhúsa að Réttarheiði 1-12 til mikilla óþæginda fyrir íbúa sem og vegna komandi snjóruðninga. Lögð er fram umsögn skipulagsfulltrúa vegna málsins.

Skipulagsfulltrúi sveitarfélagsins hefur um nokkurt skeið fundað með skipulagsfulltrúum nágrannasveitarfélaganna, Árborgar og Ölfuss, og rætt sameiginleg hagsmunamál, þar á meðal samgöngumál og sérstaklega strætósamgöngur. Breytingar eru í vændum tengdar innleiðingar Borgarlínunnar í Reykjavík og er mikilvægt í því sambandi að gæta að hagsmunum okkar sem búum á jaðri þess atvinnusvæðis sem stór-höfuðborgasvæðið er orðið. Skipulagsfulltrúi leggur fram sameiginlega áskorun skipulagsfulltrúa sveitarfélaganna Hvergerðisbæjar, Ölfuss og Árborgar, þar sem stjórnvöld, sveitarstjórnir og viðeigandi stofnanir sem að málum koma eru hvött áfram til góðra verka í þágu almenningssamgangna, auk samráðs við sveitarfélög á Suðurlandi.

Höskuldur Þorbjarnarson umhverfisfulltrúi kynnir stöðu framkvæmdar endurvinnslu og sorphirðu í bænum vegna breyttrar lagasetningar um hollustuhætti og mengunarvarnir, um meðhöndlun úrgangs og vegna laga um úrvinnslugjald (EES-reglur, hringrásarhagkerfi).

Lagt fram lóðablað vegna Suðurlandsvegar á milli Hveragerðis og Selfoss 81. Ný lóð er úr landinu Vorsabær land, landnr. 171628. Nýja lóðin, Vorsabær vegsvæði landnr. 232496, er alls. 1.292 m² að stærð. Eignarhluti í Varmá er ekki inn í uppgefinni stærð. Ekki er gert ráð fyrir sérstakri aðkomu að lóðinni þar sem ráðgert er að lóðin verði hluti af vegsvæði Suðurlandsvegar (1).

Lagt fram lóðablað vegna Suðurlandsvegar á milli Hveragerðis og Selfoss 79. Ný lóð er úr landinu Reykir land, landnr. 176136. Nýja lóðin, Reykir vegsvæði 1 landnr. 231922, er alls. 19.365 m² að stærð. Ekki er gert ráð fyrir sérstakri aðkomu að lóðinni þar sem ráðgert er að lóðin verði hluti af vegsvæði Suðurlandsvegar (1).

Lagt fram lóðablað vegna Suðurlandsvegar á milli Hveragerðis og Selfoss 70. Ný lóð er úr landinu Öxnalækjarland, landnr. 173272. Nýja lóðin, Öxnalækjarland vegsvæði 4 landnr. 231925, er alls. 7.236 m² að stærð. Ekki er gert ráð fyrir sérstakri aðkomu að lóðinni þar sem ráðgert er að lóðin verði hluti af vegsvæði Suðurlandsvegar (1).

Lagt fram lóðablað vegna Suðurlandsvegar á milli Hveragerðis og Selfoss 65. Ný lóð er úr landinu Vorsabær, landnr. 171626. Nýja lóðin, Vorsabær vegsvæði 1 landnr. 231924, er alls. 34.496 m² að stærð. Eignarhluti í Varmá er ekki inn í uppgefinni stærð. Ekki er gert ráð fyrir sérstakri aðkomu að lóðinni þar sem ráðgert er að lóðin verði hluti af vegsvæði Suðurlandsvegar (1).

Lagt fram lóðablað vegna Suðurlandsvegar á milli Hveragerðis og Selfoss 69. Ný lóð er úr landinu Öxnalækjarland, landnr. 171614. Nýja lóðin, Öxnalækjarland vegsvæði 3 landnr. 231926, er alls. 25.478 m² að stærð. Ekki er gert ráð fyrir sérstakri aðkomu að lóðinni þar sem ráðgert er að lóðin verði hluti af vegsvæði Suðurlandsvegar (1).

Lagt fram lóðablað vegna Suðurlandsvegar á milli Hveragerðis og Selfoss 78. Ný lóð er úr landinu Reykir land, landnr. 176136. Nýja lóðin, Reykir vegsvæði 2 landnr. 231923, er alls. 34.837 m² að stærð. Ekki er gert ráð fyrir sérstakri aðkomu að lóðinni þar sem ráðgert er að lóðin verði hluti af vegsvæði Suðurlandsvegar (1).