Menningar-, atvinnu- og markaðsnefnd

Leggja áherslu á að gera "Velkomin í Hveragerði" skilti við Þjóðveg 1. Menningar-, atvinnu- og markaðsfulltrúa falið að mynda samstarfshóp og fylgja málinu eftir. Reiknað með að tvö skilti verði komin upp eigi síðar en í byrjun ágúst 2024.

Nefndin sammála um hver hlýtur verðlaunin í ár og verður það opinberað á 17. júní.

Nefndin er ánægð með dagskrána sem er haldin í tilefni af 80 ára afmæli lýðveldisins. Ánægjulegt að sjá áhersluna á leiki og fjör fyrir yngri kynslóðina. Þá fagnar nefndin því að hugmyndir ungmennaráðs fái að njóta sín í dagskránni.

Nefndin fagnar því að skipulagning hátíðarinnar sé komin í farveg. Einstaklingar og fyrirtæki eru hvött til að taka þátt í hátíðinni og leggja sitt af mörkum til að gera hana sem best úr garði og okkur Hvergerðingum til sóma.

Litakóðar hverfanna ræddir í ljósi skreytinga fyrir hátíðina. Mikilvægt að birta tímanlega kort og liti fyrir hvert hverfi svo íbúar geti undirbúið sig vel. Litakóðar verða óbreyttir.
Verðlaun verða veitt fyrir best skreyttu götuna, húsið með frumlegustu skreytinguna og best skreytta húsið.

Umræður um helstu áherslur í markaðsmálum fyrir Hveragerðisbæ út frá stefnunni sem hefur verið mörkuð fyrir bæinn til næstu ára. Menningar-, atvinnu- og markaðsfulltrúa falið að vinna málið áfram út frá umræðum nefndarinnar.

Nefndin tekur undir með SAMAN hópnum og hvetur foreldra til samveru með börnum sínum á hátíðum sumarsins sem og aðra daga.

Erindisbréfið rætt. Menningar-, atvinnu- og markaðsfulltrúa falið að koma ábendingum nefndarinnar á framfæri við bæjarstjórn.