Bæjarráð

Bæjarráð samþykkir að fela umhverfisfulltrúa og skipulagsfulltrúa Hveragerðisbæjar að vinna umsögn vegna málsins og setja í samráðsgátt.

Bæjarráð samþykkir að fela umhverfisfulltrúa Hveragerðisbæjar að svara upplýsingabeiðninni.

Til kynningar.

Bæjarráð samþykkir að fela menningar-, atvinnu- og markaðsfulltrúa Hveragerðisbæjar að taka upp viðræður við Félag eldri borgara um endurnýjaðan samning við Hveragerðisbæ og leggja drög að samningi fyrir menningar-, atvinnu- og markaðsnefnd til umræðu.

Bæjarráð leggur til við bæjarstjórn að samþykkja að veita 50.000,- kr. styrk til Miðstöðvar slysavarna barna vegna gerðar myndbands um slysavarnir ungra barna á heimilum og öryggi þeirra í bílum.

Bæjarráð samþykkir að fresta afgreiðslu erindisins þar til ljóst verður hvort Sigurhæðir fái enn óbreytt framlag frá Sóknaráætlun Suðurlands.

Bæjarráð samþykkir að vísa erindinu til deildarstjóra velferðarsviðs og fasteignafulltrúa Hveragerðisbæjar til nánari skoðunar og að erindið verði lagt fyrir velferðar- og fræðslunefnd að því loknu.

Bæjarráð fagnar málinu og bindur miklar vonir við starf og aðkomu ungmennaráðs að málefnum bæjarins þar sem rödd ungmenna verður í forgrunni.

Fulltrúi D-lista lagði fram eftirfarandi bókun.
Fulltrúi D-listans leggur til að stofan verði auglýst til sölu og seld hæstbjóðanda sem kostar flutning stofunnar af reitnum.

Ekki er þörf á áframhaldandi notkun þessarar stofu enda var hún sett niður til bráðabirgða í lok árs 2022, með tilheyrandi kostnaði. Á næsta skólaári mun kennslustofum við grunnskólann fjölga um þrjár í nýrri viðbyggingu. Auk annarra rýma sem þegar hafa verið teknar í notkun á þessu skólaári.

Alda Pálsdóttir

Meirihluti bæjarráðs leggur til við bæjarstjórn að tónlistarstofa verði færð að Reykjamörk í samræmi við tillögu í minnisblaði byggingafulltrúa. Minnihlutinn á móti.

Fulltrúi D-lista lagði fram eftirfarandi bókun.
Fulltrúi D-listans fagnar því að vinna við tilfærslu á gámasvæðinu sé komin af stað, en það var eitt af stefnumálum D-listans fyrir síðustu sveitarstjórnarkosningar að gámasvæðið yrði flutt á þessa lóð við Vorsabæ og búið til gámasvæði með fullkominni aðstöðu til flokkunar.

Alda Pálsdóttir

Bæjarráð fagnar því að málið sé komið í farveg og bindur miklar vonir við vinnslu þess á nýju ári. Bæjarráð samþykkir að fela bæjarstjóra að vinna málið áfram.

Meirihluti bæjarráðs samþykkir að leggja til við bæjarstjórn að samþykkja skipan í verkefnahóp er varðar verkefnið Gott að eldast í samræmi við tillögu í minnisblaði. Fulltrúi D-lista situr hjá.

Lagt fram til kynningar. Bæjarstjórn samþykkti með tölvupóstum 5. desember sl. að óskað yrði eftir leyfi hjá Sýslumanninum á Suðurlandi til að brenna bálköst hinn 31. desember nk. og að óskað yrði eftir leyfi Lögreglustjórans á Suðurlandi fyrir flugeldasýningu þann sama dag. Leyfi sýslumanns liggur nú fyrir en leyfi lögreglustjóra er enn í vinnslu og er von á því á næstu dögum samkvæmt fyrirliggjandi upplýsingum.

Bæjarráð leggur til við bæjarstjórn að samþykkja húsaleigusamning um atvinnuhúsnæði að Austurmörk 18 í Hveragerði.

Bæjarráð leggur til við bæjarstjórn að samþykkja tekjutengdan afslátt fasteignagjalda til öryrkja og ellilífeyrisþega vegna ársins 2025 í samræmi við tillögu í minnisblaði skrifstofustjóra.

Bæjarráð leggur til við bæjarstjórn að taka tilboði EFLU Verkfræðistofu í verkið.

Bæði Sunnlensk Orka og Orkuveitan hafa fundað með bæjarstjórn á árinu þar sem áform þeirra hafa verið kynnt. Þar hefur bæjarstjórn lýst andstöðu sinni á allri orkuvinnslu á svæðinu nema með vilja og leyfi Hveragerðisbæjar.

Bæjarráð ítrekar andstöðu sína enn og aftur við allri orkuvinnslu á svæðinu nema í ríku samráði og samþykkt Hveragerðisbæjar.

Þá er mikilvægt að Sunnlensk orka haldi upplýsingafund með bæjarbúum þar sem áform þeirra varðandi orkurannsóknir á svæðinu yrðu kynntar. Mikilvægt er að sá fundur fari fram í byrjun næsta árs.

Bæjarráð felur bæjarstjóra að gera formlega athugasemd við úrvinnslu Orkustofnunnar á leyfisveitingunni og láta athuga með lögmæti afgreiðslunnar.

Fundargerðin er staðfest.

Fundargerðin er staðfest.

Fundargerðin er staðfest.
Bæjarráð leggur til við bæjarstjórn að samþykkja að þeir foreldarar sem ákveða að þiggja ekki vistunarboð í bráðabirgðaúrræði í Bungubrekku haldi foreldragreiðslum þar til boð berst um vistun ýmist á öðrum leikskólanna, Óskalandi eða Undralandi, eða hjá dagforeldri.

Lagt fram til kynningar.