Bæjarráð

Lagt fram til kynningar.

Bæjarráð leggur til við bæjarstjórn að Sjóðurinn góði verði styrktur um kr. 100.000,-.

Bæjarráð leggur til við bæjarstjórn að samþykkja að styrkja Stígamót um kr. 120.000,- líkt og undanfarin ár.

Bæjarráð samþykkir að vísa málinu til skipulags- og umhverfisnefndar.

Bæjarráð samþykkir að fela bæjarstjóra að afla frekari upplýsinga um erindið.

Áður hefur verið verið rætt um að fara í viðræður við Sveitarfélagið Ölfus um uppbyggingu íþróttamannvirkja á svæðinu. Bæjarráð samþykkir að fela bæjarstjóra að taka upp samtal við Sveitarfélagið Ölfus um erindi Hestamannafélagsins Ljúfs og að kalla hestamannafélagið til fundar til að ræða erindi félagsins frekar.

Fulltrúi D-listans lagði fram eftirfarandi bókun.
Fulltrúi D-listans fagnar erindinu frá Hestamannafélaginu Ljúfi, fyrir síðustu sveitarstjórnarkosningar var því lofað að skoðað yrði í samstarfi við félagið að reisa slíka reiðhöll.

Friðrik Sigurbjörnsson

Bæjarráð samþykkir að vísa erindinu til skólanefndar og skipulags- og umhverfisnefndar. Bæjarráð samþykkir einnig að fela bæjarstjóra að kanna mögulegan kostnað við kaup og uppsetningu á sambærilegu hliði.

Í samkomulagi sem gert var við Eik þegar hafist var handa við að reisa viðbyggingu við Óskaland og opna þrjár nýjar leikskóladeildir var gert ráð fyrir viðræðum um kaup á eldri byggingu Óskalands á þessu stigi framkvæmdarinnar. Nú hefur sá liður samkomulagsins verið formgerður í bréfi frá Eik.

Meirihluti bæjarráðs leggur til að bæjarstjóra verði falið að vinna áfram að málinu, upplýsa Ölfus um bréfið og boða til fundar með fulltrúum Ölfuss þar sem framhaldið verður rætt.

Fulltrúi D-listans lagði fram eftirfarandi bókun og tillögu.
Fulltrúar D-listans hafa ítrekað lýst því yfir hversu andvíg þau eru þeim samningum sem gengið var til við hið varhugaverða verktakafyrirtæki Hrafnshól og Fasteignafélagið Eik. Enda er um gífurlega óhagkvæman samning fyrir Hvergerðinga og Hveragerðisbæ að ræða og sýnir þessi viljayfirlýsing sem vísað er til í bréfinu frá Eik það meðal annars að hluta.
Í bréfinu er lagt til að Hveragerðisbær selji Fasteignafélaginu Eik sérhæft leikskólahúsnæði Óskalands til þess eins að gera síðan 40 ára leigusamning , með möguleika á endurkaupum bæjarins á 7 ára fresti, um sama húsnæði sem Eik myndi leigja Hveragerðisbæ. Þess má geta að Hveragerðisbær á húsnæði Óskalands í dag skuldlaust.
Leikskólinn Óskaland er 860 fermetrar að stærð, aðalbyggingin er 660 fermetrar og viðbygging sem bættist við fyrir nokkrum árum eru 200 fermetrar. Fasteignafélagið Eik nefnir í bréfinu að áætlað kaupverð sé 320.000.000 kr.. Verði af kaupunum er Eik tilbúið til að leigja Hveragerðisbæ leikskólann á 2.900 kr/m2 án vsk, sem gerir þá 3.596 kr/m2. vsk. Mánaðarlegt leiguverð yrði því 3.092.560 kr/m. vsk, en bæjarfélagið getur ekki notað vsk, og væri því árleg leigugreiðsla 37.110.720kr.. Að sjö árum liðnum, þegar að bæjarfélagið hefur tækifæri til að kaupa húsnæðið aftur, mun Hveragerðisbær hafa greitt um 236.395.286 kr. Í leigu, með tilliti til 9% eignarhluts sveitarfélagsins Ölfus í leikskólanum, og þá er ekki tekið tillit til hækkun á vísitölu, en samningurinn er vísitölutengdur. Þess má aftur geta að Hveragerðisbær á húsnæði Óskalands í dag skuldlaust. Gera má þá einnig ráð fyrir því að að sjö árum liðnum að húsnæðið sjálft hafi hækkað í verði og mun því Fasteignafélagið Eik hagnast gífurlega á þessum kaupum, sama hvernig á dæmið er litið, en Hveragerðisbær tapa. Það er því með öllu óábyrgt af fulltrúum meirihlutans að gang til viðræðna við Fasteignafélagið Eik um sölu húsnæðis leikskólans Óskalands.
Dæmin hafa sýnt það að þau sveitarfélög sem hafa ákveðið að fara þessa leið, að selja hagnaðardrifnum fasteignafélögum sérhæfða grunninnviði eins og skólabyggingar og íþróttamannvirki, að þau hafa öll orðið fyrir gífurlegu fjártjóni vegna þessa og neyðst til að kaupa byggingarnar til baka enda er það hagkvæmara fyrir sveitarfélögin að reka þau sjálf.
Fulltrúi D-listans leggur því til að beiðni Eikar um viðræður um kaup á Leikskólanum Óskalandi verði hafnað og að jafnframt verði bæjarstjóra falið að ganga til samninga um kaup á ókláraðari viðbyggingu við Óskaland, með fyrirvara um ástandsskoðun á húsnæðinu.

Friðrik Sigurbjörnsson

Meirihluti bæjarráðs hafnar breytingartillögu fulltrúa D-listans. Fulltrúi D-listans greiðir atkvæði með breytingartillögunni.

Meirihluti bæjarráðs leggur fram eftirfarandi bókun.
Vilji meirihluta bæjarstjórnar og bæjarráðs stendur til þess að fylgja eftir því sem sett var fram í samningi Hveragerðisbæjar við Eik um framkvæmdina. Tekið verði þannig áfram samtal við félagið um eignarhald á eldri hluta byggingar leikskólans Óskalands og að því loknu tekin upplýst afstaða til þess hvernig eignarhaldi fasteignarinnar verður háttað í framhaldinu. Ákveðinn vendipunktur í framkvæmdinni verður við afhendingu úttekinnar viðbyggingar við leikskólann á næstu misserum og er mikilvægt að samtal við Eik um eignarhald á eldri hluta byggingarinnar eigi sér stað samhliða. Að mati meirihluta bæjarráðs er ótímabært að leggja fram kostnaðartölur aðrar en þær sem hafa legið fyrir frá því að samningar voru undirritaðir.

Dagný Sif Sigurbjörnsdóttir
Halldór Benjamín Hreinsson

Meirihluti bæjarráðs samþykkir að fela bæjarstjóra að vinna áfram að málinu, upplýsa Ölfus um bréfið og boða til fundar með fulltrúum Ölfuss þar sem framhaldið verður rætt.
Fulltrúi D-listans greiðir atkvæði á móti.

Bæjarráð samþykkir að vísa erindinu til menningar-, atvinnu- og markaðsnefndar til umfjöllunar og óskar eftir að nefndin ræði sérstaklega hvort skynsamlegt sé að úthluta úr bílastæðasjóðnum eftir samþykktum áherslum sem gætu verið breytilegar milli ára.

Bæjarráð samþykkir að fara að tillögu ÍSOR að nýju vatnsbóli í samræmi við minnisblað byggingarfulltrúa.

Bæjarráð samþykkir að leggja til við bæjarstjórn að taka tilboði Stjörnugarða ehf. í verkið.

Lagt fram til kynningar.

Bæjarráð samþykkir að úthluta Ríkarði Má Ellertssyni lóðinni að Álfafelli 5.

Bæjarráð samþykkir umsóknina samkvæmt reglum um viðmiðunarkostnað, gefnum út af Sambandi íslenskra sveitarfélaga.
Komi til annar kostnaður umfram það sem viðmiðunargjaldið rúmar skal um það samið sérstaklega.

Bæjarráð samþykkir að fresta afgreiðslu málsins.

Bæjarráð þakkar ráðgjafa KPMG fyrir faglega og góða vinnu við vinnslu skýrslunnar og er áhugasamt um að fylgja verkefninu eftir. Bæjarráð leggur til við bæjarstjórn að komið verði á fót verkefnahóp sem stýrir verkefninu á undirbúnings- og þróunartímabili í samræmi við niðurstöður skýrslunnar.

Fundargerðin er staðfest.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.