Bæjarráð

Lagt fram til kynningar.

Lagt fram til kynningar.

Hveragerðisbær á 6 fulltrúa á aðalfundi SASS og Heilbrigðiseftirlits Suðurlands og 1 fulltrúa á aðalfundi Sorpstöðvar Suðurlands. Kjörbréf frá Hveragerðisbæ hafa verið send.

Bæjarráð samþykkir að vísa erindinu til menningar-, atvinnu- og markaðsfulltrúa Hveragerðisbæjar og forstöðumanns sundlaugarinnar í Laugaskarði til skoðunar.

Lagt fram til kynningar.

Lagt fram til kynningar.

Bæjarráð samþykkir að vísa málinu til gerðar fjárhagsáætlunar fyrir árið 2025.

Bæjarráð lýsir yfir ánægju með hátíðina og gerir ekki athugasemd við að hún verði haldin. Jafnframt felur það umhverfisdeild að aðstoða við vegmerkingar og lokun gatna eins og verið hefur undanfarin ár.

Bæjarráð gerir ekki athugasemd við að leyfið verði veitt.

Meirihlutinn lagði fram eftirfarandi bókun.
Kjörnir fulltrúar hafa áður fengið kynningu á metnaðarfullum uppbyggingaráformum Tálkna ehf. á Axlarsvæðinu. Í kynningu JVST Iceland fyrir hönd Tálkna má finna margar spennandi hugmyndir sem ríma vel við þá uppbyggingu og áherslumál sem finna má í meirihlutasamkomulagi Okkar Hveragerðis og Framsóknar. Sá þjónustukjarni sem gert er ráð fyrir í kynningunni gæti til að mynda orðið vettvangur fyrir þekkingar-, háskóla- og nýsköpunarsetur sem framtíðaruppbygging í Hveragerði kallar á.
Metnaðarfull uppbygging neðan þjóðvegar kallar einnig á tilfærslu þjóðvegarins og að dreifikerfi Landsnets, Búrfellslína, verði lögð í jörð samhliða tilfærslu þjóðvegarins. Það er mikilvægt hagsmunamál fyrir Hveragerðisbæ að þessar framkvæmdir Vegagerðarinnar og Landsnets fari sem allra fyrst af stað.
Með formlegum viðræðum hefst áframhaldandi samtal bæjarins og Tálkna ehf. um sameiginlega sýn á uppbyggingu Axlarsvæðisins í framtíðinni þar sem lífsgæði, umhverfi og velferð íbúa verður að leiðarljósi.

Dagný Sif Sigurbjörnsdóttir
Jóhanna Ýr Jóhannsdóttir

Fulltrúi D-listans lagði fram eftirfarandi bókun.
Fulltrúi D-listans telur að tillagan þurfi ítarlega skoðun með tilliti til þess hvar uppbygging næsta íbúahverfis, atvinnusvæðis, miðbæjarkjarna og innviða verði staðsett innan bæjarmarkanna. Hvort það sé yfirhöfuð skynsamlegt að íbúabyggð rísi með þjóðveginum og/eða í kringum hringtorg á Suðurlandsvegi.
Tillagan, sem er merkt öxl 1 - 6, gerir ráð fyrir 750 íbúðum og ef við færum það í íbúafjölda þá eru það áætluð um eða yfir 2000 manna byggð. Nú þegar eru um 1400 íbúðir í Hveragerði, einn grunnskóli í stækkun, tveir leikskólar líka í stækkun ásamt löngum biðlista um að komast inn á leikskóla.
Með tilkomu þessa nýja hverfis myndi fjölgun íbúða í Hveragerði verða meiri en á árunum 2005-2024. Í þessari tillögu er ekki minnst á leik- eða grunnskóla. Þá væri skynsamlegt að gera ráð fyrir uppbygginu íþróttahúss í nýju íbúðahverfi við nýjan grunnskóla. Innviðauppbygging þarf að haldast í hendur við fjölgun íbúða.
Hingað til hefur verið lögð rík áhersla, í skipulagi bæjarins, á lágreista byggð. Áherslu á að hér fái náttúran að njóta sín og við aðlögum okkur henni. En í þessari tillögu eru ríkjandi fjögurra til fimm hæða byggingar sem er í algjörri andstöðu við það sem lögð hefur verið áhersla á frá upphafi í Hveragerði.
Bæjarstjórn ber ábyrgð á skipulagsmálum, þróun byggðar, innviðauppbyggingu og ásýnd bæjarins og ber henni sem slíkri að leiða þá mikilvægu vinnu.

Alda Pálsdóttir

Meirihluti bæjarráðs tekur vel í erindið og felur bæjarstjóra að boða til fundar með Tálkna ehf. Þá felur meirihluti bæjarráðs bæjarstjóra að leggja erindið inn í yfirstandandi vinnu við endurskoðun aðalskipulags Hveragerðisbæjar. Mikilvægt er að sérstaða Hveragerðisbæjar verði þar útgangspunktur.
Minnihlutinn situr hjá.

Bæjarráð samþykkir að lækka byggingarréttargjöld á tveimur parhúsalóðum og einni raðhúsalóð við Varmá í samræmi við eftirfarandi tillögu byggingarfulltrúa:
Álag á tvær parhúsalóðir við Álfafell 1-3 og Álfaklett 1-3 lækkar úr 40% í 20%.
Álag á raðhúsalóð við Álfaklett 2-6 lækkar úr 40% í 20%.

Bæjarráð þakkar fyrir kynninguna.
Markmið stefnu í málefnum aldraðra eru að efla úrræði sem stuðla að andlegri- líkamlegri- og félagslegri heilsu eldri íbúa. Megináherslur stefnunnar eru á fjölbreytni í búsetumálum, samþætting þjónustu er varðar eldra fólk og efla þá þjónustu sem er nú þegar til staðar.

Bæjarráð samþykkir að falla frá forkaupsrétti að Hveramörk 12 að þessu sinni.

Fundargerðin er staðfest.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Bæjarráð undirstrikar mikilvægi þess að áður en að ákvörðun verði tekin um framtíð Arnardrangs undir liður 5 og 6 í fundargerð ársfundarins að fram fari kynning og umræða kjörinna fulltrúa sveitarfélaga á starfssvæði byggðasamlagsins á sameiginlegum vettvangi.