Bæjarráð

Lagt fram til kynningar.

Bæjarráð leggur til við bæjarstjórn að fallið verði frá forkaupsrétti að fasteigninni við Heiðmörk 38B, fnr. 2210446, Hveragerðisbæ, að þessu sinni.

Bæjarráð frestar afgreiðslu málsins til 19. september nk., þegar bæjarráð kemur saman næst.
Bæjarráð óskar eftir við bæjarstjórn að bæjarráð fái heimild til fullnaðarafgreiðslu í málinu.

Bæjarráð samþykkir að vísa erindinu til skipulags- og umhverfisnefndar og menningar-, atvinnu- og markaðsnefndar til frekari umræðu.

Bæjarráð samþykkir að vísa erindinu til skipulags- og umhverfisnefndar og menningar-, atvinnu- og markaðsnefndar til frekari umræðu.

Bæjarráð tekur jákvætt í erindið og fagnar því að stuðningurinn, sem þegar hefur verið samþykktur, nýtist vel.
Samþykkt er að ákvörðun um hækkun á stöðugildi til samræmis við erindið verði lögð inn í fjárhagsáætlunarvinnu fyrir árið 2025 og þriggja ára áætlun.

Bæjarráð leggur til við bæjarstjórn að staðfest verði að Lionsklúbbi Hveragerðis sé heimilt að nota æfingarsvæði, sem afmarkað er í uppdrætti sem fylgir erindinu, við Dynskóga fyrir þrektækjaflöt og að bæta við tækjum, með fyrirvara um mögulegar breytingar á skipulagi svæðisins.

Bæjarráð leggur til við bæjarstjórn að samþykkt verði að veita Lionsklúbbi Hveragerðis styrk til að kaupa torf á þrektækjaflöt að upphæð kr. 500 þús.

Bæjarráð samþykkir að úthluta Norbygg ehf. lóðinni Breiðamörk 34 í samræmi við reglur um úthlutun lóða.

Bæjarráð samþykkir að úthluta Leiktækjum og sport ehf. lóðinni Vorsabær 13 í samræmi við reglur um úthlutun lóða.

Fulltrúi D-listans lagði fram eftirfarandi bókun.
Bæjarfulltrúa D-listans þykir sérkennilegt að Hveragerðisbær skuli ætla að fá úttekt á stjórnkerfisbreytingum sveitarfélagsins frá sömu aðilum og lögðu grunninn að þeim breytingum sem gerðar voru. Eðlilegra væri, ef það á á annað borð að fá utanaðkomandi aðila til að gera slíka úttekt, að þeir séu þá með öllu hlutlausir aðilar.

Bæjarfulltrúar D-listans hafa, alveg frá því að meirihlutinn ákvað að fara í þessar stjórnkerfisbreytingar, komið fram með tillögur til að betrumbæta stjórnkerfi og samþykktir bæjarins. Því þykir bæjarfulltrúa D-listans það einnig sérkennilegt að í verkefnistillögunni sé ekki gert ráð fyrir að taka viðtal við fulltrúa D-listans, þó að í tímalínunni sem sett er fram komi fram að tekin verði viðtöl við lykilstjórnendur og stjórnmálaleiðtoga sveitarfélagsins þá er einungis gert ráð fyrir að taka viðtal við formann bæjarráðs og forseta bæjarstjórnar sem koma frá Framsókn og O-listanum.

Hveragerðisbær gæti sparað sér 2.8 - 3.2 milljónir kr. vsk í ráðgjafakostnað með því einfaldlega að gera þessa úttekt sjálft og falið bæjarstjóra að ræða við þessa lykilstarfsmenn bæjarins og bæjarfulltrúa og fá þeirra mat á þessum breytingum, hvort breytingarnar hafi heppnast og/eða hvort þörf sé á frekari breytingum.

Friðrik Sigurbjörnsson

Klukkan 9:44 var gert fundarhlé.
Klukkan 9:54 hélt fundur áfram.

Meirihlutinn lagði fram eftirfarandi bókun.
Verkefnistillaga KPMG varðar áframhaldandi vinnu við skipulagsbreytingar sem núverandi meirihluti hefur farið í á kjörtímabilinu og hefur KPMG verið bæjaryfirvöldum til ráðgjafar í því ferli. Stjórnskipulagsbreytingar eru sérhæfð vinna. Mikilvægt er að greining á stjórnskipulagi og innleiðing þeirra stjórnskipulagsbreytinga sem hafa átt sér stað á kjörtímabilinu sé í höndum bæjaryfirvalda í samvinnu við sérfræðinga á því sviði sem um ræðir.

Meirihluti bæjarráðs tekur undir réttmæta ábendingu fulltrúa D-listans um að viðtal verði tekið við fulltrúa minnihlutans í þeirri vinnu sem liggur fyrir skv. fyrirliggjandi verkefnistillögu.

Dagný Sif Sigurbjörnsdóttir
Jóhanna Ýr Jóhannsdóttir

Meirihluti bæjarráðs samþykkir að leggja til við bæjarstjórn að samþykkja tilboð og verkefnistillögu KPMG og felur bæjarstjóra að vinna málið áfram.
Fulltrúi D-listans situr hjá.

Bæjarráð leggur til við bæjarstjórn að samþykkja viðauka við samning um kaup á gufu til íþróttamiðstöðvarinnar frá 1. nóvember 2008.

Bæjarráð samþykkir að tilnefna fyrir hönd Hveragerðisbæjar Pétur G. Markan, bæjarstjóra, Hildi Gunnarsdóttur, skipulagsfulltrúa, og Jón Friðrik Matthíasson, byggingarfulltrúa, í stýrihóp vegna áhættumats vegna eldgoss og annarra jarðhræringa á Reykjanesi.

Bæjarráð leggur til við bæjarstjórn að samþykkja breytingu á samþykkt um stjórn og fundarsköp Hveragerðisbæjar nr. 923/2023 til síðari umræðu.

Bæjarráð fagnar áfangaskýrslunni og bindur vonir við framhaldið.
Undirbúningur við skammtímaaðgerðir eins og kveðið er á um í skýrslunni er þegar hafinn og verður Heilbrigðiseftirlit Suðurlands upplýst um þær aðgerðir í kjölfar fundarins. Bæjarstjóra er falið að óska eftir fundi með heilbrigðiseftirlitinu til að kynna áfangastöðuna.

Næsta skref er valkostagreining vegna stækkunar. Þar verður miðað við stærðir undir 10 þús. persónueiningum til samræmis við niðurstöðu áfangaskýrslunnar og metnir ólíkir kostir.
Mikilvægt er að sú vinna gangi hratt og örugglega fyrir sig.

Bæjarráð leggur til við bæjarstjórn að samþykkja tilboð frá KPMG um ráðgjöf og greiningu vegna þróunarverkefnisins Gott að eldast.

Bæjarráð samþykkir umsóknina samkvæmt reglum um viðmiðunarkostnað, gefnum út af Sambandi íslenskra sveitarfélaga.
Komi til annar kostnaður umfram það sem viðmiðunargjaldið rúmar skal um það samið sérstaklega.

Bæjarráð samþykkir umsóknina samkvæmt reglum um viðmiðunarkostnað, gefnum út af Sambandi íslenskra sveitarfélaga.
Komi til annar kostnaður umfram það sem viðmiðunargjaldið rúmar skal um það samið sérstaklega.

Bæjarráð samþykkir umsóknina samkvæmt reglum um viðmiðunarkostnað, gefnum út af Sambandi íslenskra sveitarfélaga.
Komi til annar kostnaður umfram það sem viðmiðunargjaldið rúmar skal um það samið sérstaklega.

Bæjarráð óskar eftir tillögum að forgagnsröðun verkefna og upplýsingum um mögulegan kostnað við úrbæturnar.
Mikilvægt er að bæjarstjóri fundi með þeim forstöðumönnum sem tengjast svæðum sem fjallað er um í minnisblaðinu, kynni þeim efni þess og fái fram þeirra sjónarmið. Fyrirhugað er að bæjarstjóri muni leggja þær upplýsingar ásamt minnisblaðinu inn í vinnu við fjárhagsáætlun ársins 2025 og gera þar ráð fyrir þeirri viðhaldsþörf og uppbyggingu sem kemur fram í minnisblaðinu.

Fundargerðin er staðfest.

Fundargerðin er staðfest.

Lagt fram til kynningar.

Lagt fram til kynningar.

Lagt fram til kynningar.