Bæjarráð

Lagt fram til kynningar. Bæjarráð samþykkti með tölvupóstum 13. og 14. ágúst sl. að gera ekki athugasemd við að leyfið yrði veitt. Sýslumaðurinn á Suðurlandi var upplýstur um afstöðu bæjarráðs með bréfi dags. 14. ágúst sl.

Bæjarráð samþykkir að vísa málinu til skipulags- og umhverfisnefndar til umræðu og einnig er óskað eftir að byggingarfulltrúi og umhverfisfulltrúi Hveragerðisbæjar skili inn umsögnum um erindið til nefndarinnar.

Bæjarráð Hveragerðisbæjar býður háskóla-, iðnaðar- og nýsköpunarráðherra velkominn til Hveragerðis og hlakkar til fundar með ráðherra.

Bæjarráð hvetur skólastjórnendur í Hveragerði til að kynna verkefnið fyrir foreldrum og forráðamönnum auk þess sem verkefnið verður kynnt fyrir íbúum á heimasíðu sveitarfélagsins.

Lagt fram til kynningar.

Bæjarráð samþykkir kaup á áskrift að CareOn heimaþjónustukerfinu.

Bæjarráð samþykkir að veita leyfi fyrir því að Listasafn Árnesinga noti mynd af skiltinu - þetta líður hjá - á ýmsan söluvarning hjá listasafninu í samræmi við erindið.

Bæjarráð samþykkir að lækka byggingarréttargjöld á 5 einbýlishúsalóðum innan deiliskipulagssvæðisins við Varmá í samræmi við eftirfarandi tillögu byggingarfulltrúa:
Álag á þrjár einbýlishúsalóðir við Álfafell lækkar úr 60% í 30%.
Álag á tvær einbýlishúsalóðir við Breiðumörk lækkar úr 30% í 20%.

Lagt fram til kynningar.

Bæjarfulltrúi D-listans lagði fram eftirfarandi bókun.
Áskorun frá bæjarfulltrúa D-listans.
Bæjarfulltrúi D-listans hefur frá því að umfjöllun um verktakafyrirtækið Hrafnshól kom í fjölmiðla í vor haft áhyggjur af því að eitthvað myndi fara úrskeiðis við byggingu nýrra leikskóladeilda við Leikskólann Óskaland. Áhyggjur bæjarfulltrúans voru ekki að ástæðulausu enda kom fram í frétt Morgunblaðsins í mars að í nýjum leikskóla sem verktakafyrirtækið Hrafnshóll væri að byggja í Reykjanesbæ væru komnar upp rakaskemmdir og myglu og seinkun yrði á afhendingu leikskólans sökum þessa frá mars og þar til í ágúst, þessi leikskóli hefur enn ekki opnað og nú er stefnt að opnun þess í október.

Þá birtist í maí frétt í kvöldfréttum Ríkissjónvarpsins þar sem fjallað var um nýbyggingar sama verktaka austur á fjörðum sem stæðu ókláraðar svo mánuðum skiptu og lægju undir skemmdum vegna vinnubragða fyrirtækisins. Þar hefur Húsnæðis- og mannvirkjastofnun rift samningum sínum við Hrafnshól og fengið annan verktaka til að klára verkin.

Bæjarfulltrúi D-listans lýsir yfir miklum áhyggjum af leka sem kom upp í þaki á nýbyggingu við Leikskólann Óskaland og því sem framundan gæti verið við þessa viðbyggingu.

Áskorun D-listans er tvíþætt.

Bæjarfulltrúi D-listans skorar á meirihluta Framsóknar og O-lista að þrýsta á Fasteignafélagið Eik að rifta samningi sínum við verktakafyrirtækið Hrafnshól í ljósi þessa vandamála og að nýr verktaki taki við og klári verkið.

Þá skorar bæjarfulltrúi D-listans á meirihlutann að nýta ákvæði í kafla "ii. Möguleg kaup Eikar á núverandi leikskóla í Óskalandi" í skjalinu "Yfirlýsingu um samstarf vegna uppbyggingar Óskalands Leikskóla" sem undirritaður var í kjölfar gerðar leigusamnings við Fasteignafélagið Eik og ná með því að losa Hveragerðisbæ undan þessum óhagkvæma langtíma leigusamning og kaupa með því viðbygginguna sem við Óskaland og áætlað er að verði tekið í notkun á nýju ári.

Kaup á viðbyggingunni er ekki álitlegasti kosturinn í ljósi þess að þakleki hefur komið upp og gæti valdið vandræðum til framtíðar litið, en ef horft er á hagkvæmni þess fyrir sveitarfélagið til langs tíma þá myndu kaup á húsnæðinu ávallt vera hagkvæmari og betri kostur en sá leigusamningur sem gerður var í vor við Fasteignafélagið Eik til 40 ára.

Í lið "ii. Möguleg kaup Eikar á núverandi leikskóla í Óskalandi" segir:

"Hveragerðisbær og Eik lýsa jafnframt yfir vilja sínum til þess að ganga til formlegra viðræðna um kaup Eikar á núverandi leikskólabyggingu í Óskalandi með það að markmiði að niðurstaða liggi fyrir í þeim viðræðum eigi síðar en 31. ágúst 2024.

Náist ekki ásættanleg niðurstaða um kaup Eikar á núverandi leikskólabyggingu í Óskalandi fyrir 31. ágúst 2024 skuldbindur Hveragerðisbær sig til þess, fyrir 16. september 2024 að (i) færa viðbyggingu á eigið fastanúmer, þ.e.F2529117 ásamt eignaskiptayfirlýsingu, (ii) veita Eik fulla heimild til veðsetningar á viðbyggingunni, (iii) undirgangast samþykktir um skiptingu rekstrarkostnaðar milli eiganda viðbyggingarinnar annars vegar og núverandi leikskólabyggingu í Óskalandi hins vegar og (iv) veita Eik forkauprétt á núverandi leikskólabyggingu í Óskalandi, allt í samræmi við þau skjöl sem er að finna í viðauka 2 við yfirlýsingu þessa.

Verði framangreind skilyrði ekki uppfyllt fyrir 16. september skal Hveragerðisbær skuldbundinn til þess að kaupa viðbygginguna af Eik á þeim kjörum og til samræmis við þá skilmála sem er að finna í viðauka 3 við yfirlýsingu þessa."

Friðrik Sigurbjörnsson

Meirihluti bæjarráðs lagði fram eftirfarandi bókun.
Eins og komið hefur fram á fyrri fundum bæjarráðs hefur verkið gengið framar vonum frá 1. maí. Eins og kom fram í máli eftirlitsmanns á fundinum var gengið hratt til umfangsmikilla aðgerða um leið og leki kom að nýbyggingunni og þær hafi gengið vel. Staðan líti vel út í dag, en mikilvægt er fylgjast grannt áfram með málinu og byggingin reglulega mæld eftir að starf hefst þar.

Þá hefur bæjarstjóri fundað með forsvarsmönnum Eikar og niðurstaðan er að frestur varðandi ákvarðnir um eignarhald á Óskalandi færist til nóvember. Það gefur kjörnum rými til að ræða og ákveða næstu skref í málinu.

Dagný Sif Sigurbjörnsdóttir
Jóhanna Ýr Jóhannsdóttir

Bæjarráð samþykkir umsóknina samkvæmt reglum um viðmiðunarkostnað, gefnum út af Sambandi íslenskra sveitarfélaga.
Komi til annar kostnaður umfram það sem viðmiðunargjaldið rúmar skal um það samið sérstaklega.

Bæjarráð samþykkir umsóknina samkvæmt reglum um viðmiðunarkostnað, gefnum út af Sambandi íslenskra sveitarfélaga.
Komi til annar kostnaður umfram það sem viðmiðunargjaldið rúmar skal um það samið sérstaklega.

Bæjarráð samþykkir umsóknina samkvæmt reglum um viðmiðunarkostnað, gefnum út af Sambandi íslenskra sveitarfélaga.
Komi til annar kostnaður umfram það sem viðmiðunargjaldið rúmar skal um það samið sérstaklega.

Bæjarráð samþykkir umsóknina samkvæmt reglum um viðmiðunarkostnað, gefnum út af Sambandi íslenskra sveitarfélaga.
Komi til annar kostnaður umfram það sem viðmiðunargjaldið rúmar skal um það samið sérstaklega.

Bæjarráð samþykkir umsóknina samkvæmt reglum um viðmiðunarkostnað, gefnum út af Sambandi íslenskra sveitarfélaga.
Komi til annar kostnaður umfram það sem viðmiðunargjaldið rúmar skal um það samið sérstaklega.

Bæjarráð samþykkir umsóknina samkvæmt reglum um viðmiðunarkostnað, gefnum út af Sambandi íslenskra sveitarfélaga.
Komi til annar kostnaður umfram það sem viðmiðunargjaldið rúmar skal um það samið sérstaklega.

Bæjarráð samþykkir að ráða Liljar Mar Pétursson í starf forstöðumanns Bungubrekku. Bæjarstjóra er falið að ganga frá ráðningarsamningi við Liljar Mar. Bæjarráð býður Liljar velkominn til starfa sem forstöðumaður Bungubrekku og óskar honum farsældar í starfi.

Bæjarráð samþykkir kaup á bifreið þeirri sem lýst er í minnisblaði deildarstjóra velferðarþjónustu.

Bæjarráð samþykkir að færa fund bæjarstjórnar fram um eina viku þannig að hann verði 5. september 2024 í stað 12. september 2024.

Breytingarnar verða auglýstar á heimasíðu bæjarins.

Bæjarráð samþykkir að Sandra Sigurðardóttir verði formaður í Velferðar- og fræðslunefnd og Skólanefnd í stað Evu Harðardóttur og að Eva Harðardóttir komi inn sem varamaður í Skólanefnd í stað Soffíu Valdimarsdóttur.
Bæjarráð samþykkir einnig að Friðrik Sigurbjörnsson komi inn í Skólanefnd í stað Öldu Pálsdóttur.

Fundargerðin er staðfest.

Bæjarráð samþykkir að vísa fundargerðinni til skipulags- og umhverfisnefndar til umræðu. Bæjarstjóra falið að hefja viðræður við Pure North um framtíðarstaðsetningu starfseminnar.

Fundargerðin er staðfest.