Bæjarráð

Með vinsemd og ánægju er Hveragerðisbær tilbúinn að koma að stuðningi og aðstoð sem íbúar Grindavíkurbæjar þurfa sannarlega á að halda á þessum krefjandi umbrotatímum sem Grindavíkurbær og íbúar hans ganga nú í gegnum.
Bæjarráð samþykkir að senda reikning til Grindavíkurbæjar í samræmi við bréfið ásamt þeim upplýsingum er varða nemendur sem óskað er eftir.

Bæjarstjórn Hveragerðisbæjar fundaði með fulltrúum Orkuveitunnar þann 13. júní sl. Á þeim fundi kom fram af hálfu bæjarstjórnar skýr krafa um að Orkuveitan héldi opinn fund með íbúum í ágúst þar sem áform Orkuveitunnar yrðu kynnt. Ráðgert er að slíkur fundur fari fram seinni hluta ágústmánaðar.
Bæjarráð samþykkir að fresta afgreiðslu erindisins þar til eftir að sá fundur hefur farið fram.

Bæjarráð gerir ekki athugasemd við að leyfið verði veitt.

Lagt fram til kynningar. Í samhengi bréfsins er vert að minnast á að framkvæmdir við leikskólann Óskaland ganga vel. Sú viðbót á eftir að létta verulega á biðlistum.

Bæjarráð þakkar Tónræktinni fyrir flott framtak. Bæjarráð samþykkir erindið og veitingu leyfis fyrir torgsölu sem kveðið er á um í samþykkt og gjaldskrá um götu- og torgsölu í Hveragerðisbæ. Bæjarráð samþykkir styrk að fjárhæð kr. 1 milljón auk þess að fella niður þau gjöld vegna torgsölu sem er kveðið á um í samþykktinni.
Bæjarstjóra er falið að taka upp samtal við forsvarsmann Tónræktarinnar ehf. um verklag í kringum undirbúning hátíðarinnar.

Fulltrúi D-lista lagði fram eftirfarandi bókun.
Bæjarfulltrúi D-listans undrast fullyrðingar bæjarstjórans í minnisblaði um könnunarnefnd vegna sameiginlegrar knattspyrnuhallar, þar sem fullyrt er „að allar forsendur eru brostnar fyrir sambærilegri höll“.

Ljóst er að hægt hefði verið að reisa sambærilega Hamarshöll fyrir vel innan við 200 milljónir króna strax í upphafi þessa kjörtímabils. Þannig hefði verið hægt að koma í veg fyrir vergang yngri og eldri iðkenda knattspyrnunnar síðustu tvo vetur. Þar að auki hefðu körfuknatteikur, fimleikar, blak og badminton átt skjól í sama húsi. Einnig er vert að nefna að eldri borgarar bæjarins hefðu getað nýtt höllina til heilsueflingar yfir vetrartímann. Síðustu tveir vetur hafa tekið óbærilega mikinn toll af íþróttasamfélaginu í Hveragerði. Í stað þess að hægt hefði verið að nýta fjármagn, tíma, orku og elju í frekari uppbyggingu Íþróttafélagsins Hamars þá hefur allur kraftur farið í það eitt að halda félaginu gangandi. Hafa iðkendur, foreldrar, þjálfarar og sjáfboðaliðar Hamars ekki farið varhluta af því.

Í ljósi þessa spyr undirritaður bæjarfulltrúi hvaða rökstuðningur og útreikningar styðji þá fullyrðingu í minnisblaðinu á þá leið að allar forsendur séu brostnar fyrir sambærilegri höll.

Alda Pálsdóttir.

Klukkan 08:46 var gert fundarhlé.
Klukkan 08:56 hélt fundur áfram.

Fulltrúar meirihluta bæjarráðs lögðu fram eftirfarandi bókun.
Það hefur komið glögglega í ljós m.a. í uppgjöri á Hamarshöllinni við Sjóvá og þeim úttektum sem voru gerðar í þeirri vinnu og að öðru leyti að ekki séu lengur forsendur til staðar hvað varða öryggi, endingu og kostnað við slík uppblásin dúkmannvirki. Fulltrúar meirihlutans telja ekki forsvaranlegt að skapa þá umgjörð fyrir iðkendur sem í því fælist og telja rétt að horfa til framtíðar varðandi aðstöðuuppbyggingu fyrir íþróttahreyfinguna í Hveragerði, rétt eins og hefur verið gert með ákvörðunum undanfarin misseri um viðbyggingu við íþróttahúsið við Skólamörk og gervigrasvöll uppi í Reykjadal. Ábyrgt sveitarfélag lærir af reynslunni og eflir frekar umgjörðina eftir því sem kostur er.

Dagný Sif Sigurbjörnsdóttir
Halldór Benjamín Hreinsson

Meirihluti bæjarráðs Hveragerðisbæjar samþykkir að fela bæjarstjóra að senda bréf til bæjarstjórnar Ölfuss og bæjarstjórnar Árborgar og óska eftir fulltrúum frá þessum sveitarfélögum í könnunarnefnd sem ætlað er að athuga og ræða mögulegan áhuga á samstarfi um sameiginlega knattspyrnuhöll. Jafnframt að óska eftir fulltrúum frá Íþróttafélaginu Hamri til að sitja í nefndinni.
Fulltrúi D-lista sat hjá.

Bæjarráð samþykkir að fela bæjarstjóra að koma með tillögu að hreinsunarátaki á númerslausum bifreiðum.

Bæjarráð samþykkir að loka bæjarskrifstofum í samræmi við það sem lagt er til í minnisblaðinu. Bæjarskrifstofan verður lokuð vikuna 8. - 12. júlí nk. og 29. júlí -2. ágúst nk. Lokanirnar verða kynntar vel á heimasíðu bæjarins.

Bæjarráð samþykktir reglur Bergrisans bs. um húsnæði fyrir fatlað fólk.

Bæjarráð samþykkir framangreindar breytingar á samþykkt um stjórn og fundarsköp Hveragerðisbæjar nr. 923/2023 og að breytingarnar verði sendar ráðherra til staðfestingar og birtingar í B-deild Stjórnartíðinda.

Bæjarráð samþykkir breytingu á erindisbréfi menningar-, atvinnu- og markaðsnefndar.

Bæjarstjóri svaraði fyrirspurninni með minnisblaði.
Í minnisblaðinu kemur fram yfirlit yfir tekjur bílastæðasjóðs árin 2022-2024.
Vorið 2023 var klárað að gera viðbótar bílastæði sem ættu að taka um 100 bíla. Sá hluti hefur ekki verið malbikaður, heldur er um malarbílastæði að ræða. Ekki hefur verið tekin ákvörðun um að malbika bílastæðið.

Bæjarráð samþykkir að fela bæjarstjóra í samráði við starfsfólk bæjarins að koma með tillögu að úrbótum á bílastæðinu og kostnaðargreiningu verkefnisins og leggja fyrir fund bæjarráðs í ágúst.

Bæjarráð samþykkir að fjárfesta í leiktækjum fyrir Kambaland að fjárhæð kr. 1,5 milljónir og staðsetja þau tímabundið á túnbletti í vestari enda Dalahrauns þar sem Dalahraun og Hrauntunga mætast.
Fyrirhugað er að leiktækin verði færð á skipulagt leiksvæði í Kambalandi þegar hægt verður að ljúka frágangi á því svæði en við gatnagerð, sem mun hefjast á árinu við Hrauntungu, er fyrirséð að losni um jarðefni sem staðsett er á svæðinu.
Bæjarráð samþykkir einnig að fjárfesta í borðbekkjum fyrir kr. 550 þús. fyrir Leynilund, sem gengið er inn í frá Varmahlíð, auk skiltis sem vísar inn á svæðið. Í kjölfarið verður hafin vinna við að leita hugmynda að skipulagi lundarins.

Lagt fram minnisblað frá bæjarstjóra þar sem fram koma svör við fyrirspurninni.

Liður 1 "Samningur um barnaverndarþjónustu á milli Hveragerðisbæjar og Ölfuss" afgreiddur sérstaklega.
Samningurinn þarf tvær umræður í bæjarstjórn. Á fundi bæjarstjórnar 13. mars 2024 var samningurinn tekinn til fyrri umræðu og samþykktur.
Bæjarráð samþykkir samninginn fyrir sitt leyti. Þegar Sveitarfélagið Ölfus hefur samþykkt samninginn verður hann sendur ráðuneytinu til staðfestingar og til birtingar í B-deild Stjórnartíðinda.

Liður 2 "Breyting á erindisbréfi Velferðar- og fræðslunefndar" afgreiddur sérstaklega.
Bæjarráð samþykkir þær breytingar á erindisbréfi nefndarinnar sem voru til umfjöllunar á fundi hennar en þeim breytingum til viðbótar verði orðið "íþrótta-, " í 4. gr. fellt á brott.

Liður 3 "Stefnumótun eldri borgara 2024" afgreiddur sérstaklega.
Bæjarráð samþykkir að fá kynningu á stefnumótuninni á fundi bæjarráðs seinni hluta ágústmánaðar.

Fundargerðin að öðru leyti staðfest.

Fundargerðin er staðfest.

Lagt fram til kynningar.

Lagt fram til kynningar.

Lagt fram til kynningar.