Bæjarráð

Meirihluti bæjarráðs lagði fram eftirfarandi tillögu.
Meirihluti Okkar Hveragerðis og Framsóknar í Hveragerði tekur undir áskorun Sambands íslenskra sveitarfélaga og fagnar því að stór félög innan ASÍ hafi skrifað undir kjarasamning við Samtök atvinnulífsins og að meginmarkmið þeirra sé að ná niður verðbólgu og þar með vöxtum í landinu.
Hveragerðisbær hefur nú þegar lagt sitt af mörkum til að kjarasamningarnir gangi eftir með hóflegri gjaldskrárhækkun upp á 2,5% fyrir árið 2024.

Meirihluti Okkar Hveragerðis og Framsóknar í Hveragerði leggur til við bæjarstjórn að einnig verði teknar upp gjaldfrjálsar máltíðir í grunnskólum frá og með haustinu 2024, eins og gert er ráð fyrir í nýju samningunum. Aðkoma ríkisins með fjármagn í það verkefni er mikilvægt og gerir sveitarfélögum kleift að takast á við það. Gerður verður viðauki við fjárhagsáætlun vegna breytinganna og leitað verður leiða til hagræðingar.
Með gerð þessara samninga er stigið stórt skref í þá átt að ná sátt á vinnumarkaði til fleiri ára og er það mikilvægt. Það er því von okkar að þessir samningar verði öðrum félögum sem enn er ósamið við leiðarljós, en til að þær kjarabætur sem hér er samið um með aðkomu ríkis og sveitarfélaga gangi eftir þurfa allir að taka þátt með sambærilegum hætti. Þá er unnt að ná niður verðbólgu og vöxtum sem er mesta kjarabótin fyrir alla.

Jóhanna Ýr Jóhannsdóttir
Dagný Sigurbjörnsdóttir

Tillagan borin upp og samþykkt með atkvæðum meirihlutans.
Fulltrúi minnihluta situr hjá.

Bæjarráð samþykkir að vísa bréfinu til velferðar- og fræðslunefndar og skólanefndar.

Meirihlutinn lagði fram eftirfarandi bókun.
Meirihluti Okkar Hveragerðis og Framsóknar dáist að elju og dugnaði íbúa, iðkenda og sjálfboðaliða Hamars í krefjandi aðstæðum vegna takmarkandi aðstöðu til íþróttaiðkunar. Þrátt fyrir áskoranir hefur iðkendum fjölgað í deildum Hamars og titlar verið unnir. Meirihluti Okkar Hveragerðis og Framsóknar fagnar erindinu og framtaki Hamars um boð um fjölgreinaverkefni og með því efla framboð til íþróttaiðkunnar fyrir yngstu kynslóðina. Þá mun birta til hvað bætta íþróttaaðstöðu varðar enda gervigrasvöllur í fullri keppnisstærð og stækkun íþróttahúss við Skólamörk í fullum gangi.

Jóhanna Ýr Jóhannsdóttir
Dagný Sigurbjörnsdóttir

Bæjarráð leggur til við bæjarstjórn að samþykkja erindið.

Bæjarráð vísar erindinu til fjárhagsáætlunargerðar ársins 2025.

Bæjarráð samþykkir að taka tilboði lægstbjóðanda Sighvats Natanelssonar enda uppfylli bjóðandi öll skilyrði útboðsgagna.

Fulltrúi minnihlutans lagði fram eftirfarandi bókun.
Fulltrúi D-listans telur eðlilegt að með þessum drögum hefði fylgt minnisblað á íslensku þar sem farið er yfir um hvað málið snýst, sérstaklega þar sem um margskonar lýsingar tæknilegs eðlis er að ræða, sem leikmaður á erfitt með að gera sér grein fyrir. Jafnframt harmar bæjarfulltrúi D-listans það andvaraleysi sem meirihlutinn hefur sýnt í þessu mikilvæga máli og hversu lengi nauðsynlegar framkvæmdir hafa dregist.

Alda Pálsdóttir

Klukkan 08:18 var gert fundarhlé.
Klukkan 08:25 hélt fundur áfram.

Meirihlutinn lagði fram eftirfarandi bókun.
Fulltrúar meirihlutans í bæjarráði vísa þessum athugasemdum fulltrúa minnihlutans á bug, enda hefur metnaðarfull verkáætlun verið lögð fram um fráveitumál í Hveragerði. Vegna andvaraleysis síðustu ára erum við í þessari stöðu og nú er brugðist við af fullum þunga. Fulltrúar D-listans höfðu fullt tækifæri til að grípa til aðgerða í þau 16 ár sem þau sátu hér í meirihluta eftir að athugasemdir hófu að berast við fráveitumálefni bæjarins sem aldrei skiluðu sér inn á borð þáverandi minnihluta. Eins og áður hefur komið fram hefur núverandi meirihluti sett 500 milljónir í fjárhagsáætlun næstu þriggja ára vegna fjárfestingar í fráveitumannvirki.

Jóhanna Ýr Jóhannsdóttir
Dagný Sif Sigurbjörnsdóttir

Bæjarráð leggur til við bæjarstjórn að samþykkja verkbeiðni 4 um fráveitu ráðgjöf frá Cowi Ísland.

Bæjarráð leggur til við bæjarstjórn að samþykkja gjaldskrá Bergrisans vegna stuðningsfjölskyldna og notendasamninga.

Ársskýrslan er lögð fram til kynningar.

Eftirfarandi eru svör meirihlutans.
1. Haraldur Sverrisson ráðgjafi, hefur verið til ráðgjafar í verkefnum tengd Fagrahvammslandi og hugsanlegu verkefni sunnan þjóðvegar, mögulegri stækkun Hveragerðis til suðurs, svo kallað Axlarverkefni.
2. Haraldi Sverrissyni hefur ekki verið falin þessi verkefni heldur er hann eingöngu til ráðgjafar. Umrædd verkefni eru á borðum starfsmanna Hveragerðisbæjar.
3. Áætlaður endanlegur kostnaður liggur ekki fyrir en Haraldur vinnur sína vinnu í tímavinnu. Kostnaður pr. vinnustund er kr. 25.000.
4. Í fjárhagsáætlun Hveragerðisbæjar er alltaf gert ráð fyrir einhverjum kostnaði vegna ráðgjafavinnu fyrir bæinn.
5. Engin ákvörðun liggur fyrir um frekari aðkomu Haraldar Sverrissonar að fleiri verkefnum á vegum Hveragerðisbæjar.
6. Haraldur Sverrisson var Hveragerðisbæ til ráðgjafar í svokölluðu Árhólmaverkefni sem kemur til með að skila Hveragerðisbæ hundruðum milljóna kr.í tekjur og skilaði Haraldur einstaklega góðri vinnu fyrir Hveragerðisbæ.

Bæjarráð leggur til við bæjarstjórn að samþykkja þjónustusamning við Söngsveit Hveragerðis 2024-2026.

Fundargerðin er staðfest.

Lagt fram til kynningar.

Lagt fram til kynningar.

Lagt fram til kynningar.
Meirihlutinn lagði fram eftirfarandi bókun.
Meirihluti Okkar Hveragerðis og Framsóknar vill koma á framfæri góðum þökkum til starfsfólks HSL sem og formanni HSL fyrir góðan og gagnlegan fund þann 5. mars í Hveragerði þar sem farið var yfir verkáætlun um úrbætur á fráveitu bæjarins. Meirihlutinn tekur jafnframt undir orð framkvæmdastjóra HSL þegar hún segir: ,,Voru góðar umræður og samstaða um að horfa fram á veginn og efla samstarf um lausnir." Var það niðurstaða fundarins að sveitarfélagið sendi HSL bréf þar sem kæmi fram úrbótaáætlun og ósk um samstarf um móttöku seyru. Þess ber að geta að bréf þetta var sent 18. mars. Til viðbótar hefur móttaka seyru verið staðfest eins og sjá má í fundargögnum.

Jóhanna Ýr Jóhannsdóttir
Dagný Sif Sigurbjörnsdóttir

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.