Bæjarráð

Í bréfinu býður Innviðaráðuneytið kjörnum fulltrúum og starfsfólki sveitarfélaga til fræðslufundar um hinsegin málefni. Samtökin ´78 sjá um fræðsluna en markmiðið er auka þekkingu sveitarstjórnarfólks á réttindum og félagslegri stöðu hinsegin fólks. Verkefnið er liður í aðgerðaáætlun í málefnum hinsegin fólks fyrir árin 2022-2025.

Í bréfinu vekur Innviðaráðuneytið athygli á því í að áform um lagabreytingar um Jöfnunarsjóð sveitarfélaga hafa verið birt til umsagnar í samráðsgátt stjórnvalda.

Í bréfinu óskar Samband íslenskra sveitarfélaga eftir að sveitarfélagið verði áfram með í sameiginlegri þróun starfrænni umbreytingu árið 2023.

Í bréfinu segir frá Evrópsku nýtnivikunni sem haldin verður 19.- 27. nóvember nk. þar sem markmið vikunnar er að hvetja til aukinnar nýtni og draga úr myndun úrgangs.

Í bréfinu óskar Umhverfisstofnun eftir að sveitarfélög tilnefni fulltrúa sinn, og annan til vara, sem og fulltrúa náttúruverndar- eða umhverfisnefndar sveitarfélags ef slík nefnd starfar á svæðinu, í vatnasvæðanefnd með tilvísan í 6. gr. reglugerðar nr. 935/2011 um stjórn vatnamála.

Í bréfinu óska Stígamót eftir fjárstuðningi frá Hveragerðisbæ vegna ársins 2023.

Í bréfinu óskar foreldrafélag leikskólanna í Hveragerði eftir auka styrk fyrir árið 2023 til að halda sumarhátíð næsta sumar.

Óskað er eftir að nemandi með lögheimili í Hveragerði fái að stunda nám í skóla utan Hveragerðis skólaárin 2022-2025