Bæjarráð

Bæjarráð þakkar innilega þann góða hug sem forseti Íslands sýnir bæjarbúum með þessari kveðju.

Lagt fram til kynningar.

Lagt fram til kynningar.

Bæjarráð þakkar Eftirlitsnefnd með fjármálum sveitarfélaga fyrir greinargóðar upplýsingar um starfsemi nefndarinnar og hlutverk hennar.

Bæjarráð minnir á fyrri bókanir varðandi mikilvægi þess að vandlega sé kannað hvaða áhrif niðurdæling getur haft á umhverfi sitt, ekki síst hvað varðar aukna jarðskjálftavirkni á svæðinu. Það hefur sýnt sig að niðurdælingar í og við Hellisheiði hafa framkallað jarðskjálfta, fjölmarga og nokkuð stóra. Því hlýtur það að vera skýlaus krafa íbúa í nágrenni við framkvæmdasvæðið að í umhverfismati sé lagt mat á hættuna af aukinni skjálftavirkni og þau áhrif sem slíkt getur haft á nánasta umhverfi. Í umhverfismati Hellisheiðarvirkjunar á sínum tíma var þessi hætta ekki metin, sem enn í dag vekur furðu þar sem allir þeir sérfræðinga sem unnu það mat hefðu átt að vita að aukin skjálftavirkni gæti verið fylgifiskur niðurdælingar. Hvergerðingar munu áfram fylgjast grannt með framvindu við mat á umhverfisáhrifum af framkvæmdum á Hengilsvæðinu og treysta því að í dag hafi allir lært af biturri reynslu og að nú verði unnið betur að gerð umhverfismats en áður var gert á sama svæði.
Mikilvægt er að fram komi að í kafla 6.1.3 eru nefndir möguleikar á enn meiri niðurdælingu jafnvel frá fleiri og utanaðkomandi aðilum en ljóst er að slík aukin niðurdæling verður að vera háð nýju umhverfismati.

Bæjarráð undrast mjög að þessi aðgerð skuli framkvæmd með þeim hætti sem hér er kynnt en staðfesting fjármálaráðherra á tillögum tryggingastærðfræðinga átti sér stað í lok árs 2021 án samráðs við sveitarfélög landsins. Hafa sveitarfélögin því engin tök haft á að bregðast við þessari miklu breytingu hvorki við gerð fjárhagsáætlunar eða með samþykkt viðauka í tæka tíð. Bæjarráð undrast þessi vinnubrögð og leggur áherslu á mikilvægi góðs samráðs við sveitarfélögin þegar ákvarðanir sem hafa gríðarleg áhrif á fjárhag sveitarfélaga eru teknar. Lífeyrisskuldbinding Hveragerðisbæjar mun hækka um 200 m.kr. við þessa breytingu sem hafa mun bein neikvæð áhrif á niðurstöðu rekstrar ársins 2021 sem og skuldastöðu bæjarfélagsins.

Bæjarráð fagnar frumkvæði sambandsins hvað þetta varðar og hvetur bæjarfulltrúa til að taka þátt í umræddum fundum.

Bæjarráð fagnar því að verkefni sem þetta sé orðið að veruleika en framundan er strangt ferli breytinga á sviði úrgangsmála. Tengiliðir við umhverfisverkefni sveitarfélagsins eru umhverfisfulltrúi og formaður umhverfisnefndar.

Bæjarráð þakkar Vegagerðarmönnum komuna og þær upplýsingar sem fram komu á fundinum. Bæjarráð vonast til þess að með betri og ítarlegri samskiptum verði hægt að tryggja betri vetrarþjónusu á Hellisheiðinni en nú er.

Bæjarráð vill koma á framfæri þökkum til starfsmanna bæjarins fyrir fumlaus og góð viðbrögð við þessum atburði sem og einnig innilegum þökkum til allra þeirra sem lögðu okkur lið við aðgerðir á svæðinu þennan dag. Sérstaklega þökkum við Brunavörnum Árnessýslu, Hjálparsveit skáta í Hveragerði, verktökum í bæjarfélaginu og hinum ýmsu aðilum sem brugðust við sem einn maður til björgunar þegar á þurfti að halda. Það er gott fyrir bæ eins og okkar að eiga ykkur að.

Bæjarráð samþykkir að fela Ara Guðmundssyni, verkfræðing hjá Verkís ehf að gera greiningu á þeim valkostum sem bæjarfélaginu standa til boða.
Í valkostagreiningunni verði gerður samanburður á eftirfarandi:

Dúkhýsi eins og því sem var á staðnum.
Stálgrindarhúsi, annars vegar einangruðu og upphituðu og hins vegar köldu, óeinangruðu.
Límtréshús, annars vegar einangrað og upphitað og hins vegar kalt hús.

Við samanburð verði horft til byggingarkostnaðar, árlegs rekstrarkostnaðar, vænts viðhaldskostnaðar og notkunarmöguleika viðkomandi húss. Bæjarráð leggur áherslu á að þessi vinna verði unnin eins hratt og nokkur er kostur svo taka megi ákvörðun um næstu skref svo fljótt sem auðið er.

Bæjarráð samþykkir að lóðir við Hólmabrún verði auglýstar lausar til umsóknar nú þegar með það að markmiði að fyrsta úthlutun á svæðinu geti átt sér stað á fyrri fundi bæjarráðs í apríl.

Lóðir við Hólmabrún eru í austasta hluta bæjarins þar sem útsýni er með besta móti og náttúruperlan Varmá beint neðan af hverfinu. Í hverfinu er gert ráð fyrir góðum tengingum við göngustíga og greiðu aðgengi að Varmá og nærliggjandi byggð. Leikskólinn Undraland er í göngufæri við hverfið. Þar sem hér er um að ræða einstakar lóðir á besta stað í Hveragerði og gatnagerð á svæðinu er afar umfangsmikil, samþykkir bæjarráð að leggja til við bæjarstjórn að samþykkt verði að nýta heimild 6. greinar samþykktar um byggingagjöld í Hveragerði til að leggja byggingaréttargjald á umræddar lóðir með eftirfarandi hætti.
Einbýlishúsum vestan megin í Hólmabrún(1-15)verði úthlutað með 40% álagi á gatnagerðargjald. Lóðum númer 18 og 20 verði úthlutað með 60% álagi skv. sömu heimild. Tveggja hæða húsum, austan megin Hólmabrúnar (2-16) verði úthlutað án álags enda er nýtingarhlutfall þeirra lóða afar hátt og lóðagjöld því miklu mun hærri þar en á öðrum lóðum við götuna.

Bæjarráð samþykkir að settur verði upp búnaður fyrir tvöfalt hitaveitukerfi í sundlaugarhúsinu og að húsið og allur búnaður þess verði þar með á tvöföldu dreifikerfi Veitna. Við þessa aðgerð ætti álagið á gufuveitunni að minnka um ca. 25% sem bæta mun vonandi hitamál í sundlaug og stóra heita pottinum. Einnig samþykkir bæjarráð að Hveragerðisbær beri hluta af kostnaði við breytingu innanhúss, 2 m.kr.. Umfram rekstrarkostnaður við þessa breytingu mun nema 1-2 m.kr. á ári.

Bæjarráð samþykkir að gengið verði til samninga við Steinferðir ehf um akstur barna á íþróttaæfingar milli Hveragerðis og Þorlákshafnar. Enn liggur ekki fyrir hvaða kostnaður felst í viðaukasamningi við Landferðir um akstur á Selfoss en allt stefnir í að kostnaður við akstur í heildina geti orðið að lágmarki 2,5 m.kr. fram á vor.

Bæjarráð hefur kynnt sér greinargerðina og mun í framhaldinu verða rætt við stjórnendur fræðslustofnana sem og starfsmenn velferðarþjónustu um fyrirkomulag sérfræðiþjónustu skólanna og félagsþjónustu bæjarins.

Fundargerðin lögð fram til kynningar um leið og bæjarráð lýsir yfir miklum áhyggjum af þeirri svörtu sýn sem virðist vera að teikna sig upp hvað varðar fjárhagslegar forsendur málaflokksins.

Fundargerðin lögð fram til kynningar en ekkert virðist hafa breyst varðandi þær áhyggjur sem stjórn Bergrisans hefur af afkomu málaflokksins. Bæjarráð bindur miklar vonir við þá vinnu sem nú er í gangi varðandi skoðun á fjárhagslegri stöðu málaflokksins undir stjórn Haraldar Líndal og vonar að sú vinna skili auknum tekjum til þessa mikilvæga málaflokks.

Fundargerðin lögð fram til kynningar.

Fundargerðin lögð fram til kynningar.