Bæjarráð

Bæjarráð fagnar því að verkefnið skuli hafa hlotið umræddan styrk. Verkefnið felst í að setja upp flokkunarstöð á hentugum stað í Hveragerði til að tryggja enn betri flokkun úrgangs frá heimilum og þar með auka og bæta endurvinnslu í samfélaginu. Fylgst verður náið með úrgangsmagni sem kemur frá flokkunarstöðinni sem og á gámasvæði bæjarins en einnig frá tunnum við heimili. Bornar verða saman magntölur að ári liðnu og mat lagt á hvort aðgerðin reynist árangursrík til betri meðhöndlunar á úrgangi. Umhverfisfulltrúa falinn undirbúningur að uppsetningu flokkunarstöðvarinnar.

Bæjarráð fagnar því að fráveituframkvæmdir sveitarfélaga skuli enn á ný njóta styrkja frá Umhverfis- og auðlindaráðuneytinu eftir langt hlé og þakkar það framlag sem fellur í skaut Hveragerðisbæjar. Bæjarráð felur umhverfisfulltrúa að hafa umsjón með að veittur styrkur verði sóttur í samræmi við reglur þar um.

Bæjarráð samþykkir erindið enda er þarna um afturkræfa og minniháttar framkvæmd að ræða.

Bæjarráð fagnar þeim hugmyndum sem fram koma í erindinu og telur að þær geti orðið mikið aðdráttarafl í bæjarfélaginu. Bæjarráð samþykkir að fela Skipulags- og mannvirkjanefnd að vinna að nauðsynlegu skipulagi í samræmi við skipulagslýsingu sem fylgdi með erindinu svo hugmyndin geti orðið að veruleika fyrir sumarið 2022. Bæjarráð telur jafnframt rétt að fela bæjarstjóra að gera drög að samningi við fyrirtækið varðandi umsvif þess á þessum stað og leggja fyrir bæjarstjórn til samþykktar þegar skipulagsvinnan er komin á rekspöl.

Bæjarráð veit af þeirri umræðu sem á undanförnum árum hefur verið um staðsetningu flugeldaskotpalla ofan við Lystigarðinn Fossflöt á Blómstrandi dögum. Það er ljóst að nálægðin við nærliggjandi hús en ekki síður við mannfjöldann sem fylgist með getur skapað hættu sem rétt er að bregðast við. Því samþykkir bæjarráð að flugeldasýning Blómstrandi daga í sumar verði á Hamrinum ofan við Hlíðarhaga.

Rétt er að geta þess að umrætt erindi barst ekki fyrr en í gær og því er það lagt fyrir fund í dag þrátt fyrir að dagsetning gefi annað til kynna.
Bæjarráð lýsir yfir mikilli ánægju með samstarfið við forsvarsmenn Hengils Ultra og fagnar þeirri uppbyggingu sem orðið hefur í kringum hlaupið. Það er ánægjulegt að sjá hversu fjöldi þátttakenda hefur aukist ár frá ári og ekki síður er ánægjulegt að verða vitni að ánægju þeirra sem eru þátttakendur í þessum risastóra íþróttaviðburði. Bæjarráð fagnar framtíðarhugmyndum mótshaldara varðandi framhald þessa verkefnis og hlakkar til áframhaldandi samstarfs enda er hlaupið góð kynning og lyftistöng fyrir bæjarfélagið. Bæjarráð samþykkir 1,2 m.kr. styrk til mótshaldara vegna hlaupsins sem að stærstu leyti rennur til Hjálparsveitar skáta í Hveragerði og Íþróttafélagsins Hamars vegna starfa þessara aðila við hlaupið. Ennfremur samþykkir bæjarráð að bæjarstjóra verði falið að gera samning við Hengil Ultra um áframhaldandi samvinnu aðila vegna þessa viðburðar. Útgjöldum verði mætt með liðnum sérstakri fjárveitingu bæjarstjórnar/bæjarráðs.

Bæjarráð Hveragerðisbæjar samþykkir hér með á bæjarstjórnarfundi að taka lán hjá Lánasjóði sveitarfélaga að fjárhæð allt að kr. 84.000.000, með lokagjalddaga þann 5. apríl 2034, í samræmi við skilmála að lánasamningi sem liggja fyrir á fundinum og sem bæjarstjórnin hefur kynnt sér.
Bæjarráð samþykkir að til tryggingar láninu (höfuðstól auk vaxta, dráttarvaxta og kostnaðar), standa tekjur sveitarfélagsins, sbr. heimild í 2. mgr. 68. gr. sveitarstjórnarlaga nr. 138/2011, nánar tiltekið útsvarstekjum sínum og framlögum til sveitarfélagsins úr Jöfnunarsjóði sveitarfélaga.
Er lánið tekið til fjármögununar á kaupum á framtíðarbyggingarlandi sveitarfélagsins sem felur í sér að vera verkefni sem hefur almenna efnahagslega þýðingu, sbr. 3. gr. laga um stofnun opinbers hlutafélags um Lánasjóð sveitarfélaga nr. 150/2006.
Jafnframt er Aldísi Hafsteinsdóttur, kt. 211264-5009, veitt fullt og ótakmarkað umboð til þess f.h. Hveragerðisbæjar að undirrita lánssamning við Lánasjóð sveitarfélaga sbr. framangreint, sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast lántöku þessari, þ.m.t. beiðni um útborgun láns.

Bæjarráð samþykkir tillögurnar eins og þær eru hér settar fram og felur forstöðumanni Bungubrekku að kynna breytingarnar fyrir foreldrum tímanlega fyrir upphaf skólastarfs í haust.

Bæjarráð samþykkir að ganga til samninga við Stólpa Gáma á grundvelli fyrirliggjandi tilboðs. Byggingafulltrúa er falið að fylgja málinu eftir en ljóst er að lausar kennslustofur munu koma upp í desember ef allt gengur samkvæmt áætlun.

Bæjarráð samþykkir að taka tilboði lægstbjóðanda Hlíðarkots ehf.

Fundargerðin samþykkt samhljóða.

Fundargerðin samþykkt samhljóða.

Fundargerðin samþykkt samhljóða.

Fundargerðin lögð fram til kynningar.

Fundargerðin lögð fram til kynningar.