Bæjarráð

Í bréfinu frá Mennta- og menningarmálaráðuneytinu kemur fram að máli MMR20120033 hefur verið lokað en gera megi ráð fyrir því að mál verði stofnað hjá samgöngu- og sveitarstjórnarráðuneytinu.

Í bréfinu er kynnt aðgerðaráætlun 2021 - 2025 sem samþykkt var á Alþingi á síðasta ári um forvarnir meðal barna og ungmenna gegn kynferðislegu og kynbundnu ofbeldi og áreitni, sbr. þingsályktun, nr.37/150.

Í bréfinu kemur fram að á fundi stjórnar Sambands íslenskra sveitarfélaga sem haldin var 28. maí 2021 var lögð fram fundargerð XXXVI. landsþings Sambands íslenskra sveitarfélaga frá 21. maí 2021. Eftirfarandi var bókað og samþykkt: "Stjórn sambandsins hvetur sveitarfélög til að taka skýrslu Framtíðarseturs Íslands, sem var kynnt á landsþinginu 21. maí 2021, til umræðu í sveitarstjórn og undirbúa sig þannig fyrir landsþing 2022".

Í bréfinu kemur fram ósk um 5 klst aukinn kennslukvóta í Hveragerði frá hausti 2021.

Í bréfinu óskar NPA Setur Suðarlands sem stofnað var í ársbyrjun 2020 eftir því að fá að koma á fund bæjarstjórnar og fá að halda stutta kynningu um félagið og hugmyndafræðina um NPA.

Í bréfinu vill stjórn Félags atvinnurekanda koma fram með eftirfarandi ályktun sem gerð var á fundi þeirra þann 1. júní 2021, "Stjórn Félags atvinnurekenda skorar á sveitarfélög að lækka álagningarprósentu fasteignaskatts á atvinnuhúsnæði við gerð fjárhagsáætlana fyrir næsta ár til að bregðast við miklum hækkunum fasteignamats fyrir árið 2022.

Samkvæmt nýbirtu fasteignamati er hækkun mats atvinnuhúsnæðis 6,2% á landinu öllu; um 5,4% á höfuðborgarsvæðinu en um 8% á landsbyggðinni. Að óbreyttu þýðir þetta samsvarandi skattahækkun á fyrirtækin. FA bendir á að frá því að núverandi tekjumatsaðferð var tekin upp við útreikning fasteignamats atvinnuhúsnæðis fyrir árið 2015 og til ársins 2020 hefur álagður fasteignaskattur á atvinnuhúsnæði á landinu hækkað úr tæplega 17 milljörðum króna í um 28,5 milljarða. Skattbyrði fyrirtækjanna hefur á þessum skamma tíma þyngst um 11,5 milljarða eða tæplega 68%, þrátt fyrir lækkanir einstaka sveitarfélaga á skattprósentu.

Við svo búið verður ekki unað lengur. Áframhaldandi þynging á skattbyrði fyrirtækjanna vegna húsnæðis dregur mátt úr atvinnulífinu, seinkar efnahagsbatanum eftir heimsfaraldurinn og skerðir getu fyrirtækjanna til að standa undir launagreiðslum sem um var samið í lífskjarasamningunum og eru grundvöllur útsvarstekna sveitarfélaganna.

Stjórn FA telur að hér verði hvert og eitt sveitarfélag að sýna ábyrgð og gera breytingar á sinni álagningarprósentu þannig að hækkanir á fasteignasköttum skaði ekki atvinnulífið í landinu meira en orðið er. FA skorar jafnframt á sveitarfélögin að taka upp viðræður hið fyrsta við ríkisvaldið um breytingar á þessu fráleita kerfi þar sem skattgreiðslur af húsnæði eru beintengdar við þróun fasteignamats og taka þannig sjálfkrafa hækkunum, án nokkurs tillits til gengis atvinnulífsins að öðru leyti.“

Lögð fram skýrsla um magn úrgangs á starfssvæði Sorpstöðvar Suðurlands 2020 og þróun síðustu fimm ára.

Í fundargerðinni kemur meðal annars fram að verktaki áætli verklok þann 10. júlí 2021.