Bæjarráð

Lagt fram til kynningar.

Lagt fram til kynningar.

Bæjarráð fagnar framkomnu frumvarpi um lengingu fæðingar- og foreldraorlofs í tólf mánuði. Mikil bót verður af þessari breytingu. Bæjarráð vill þó koma á framfæri þeirri skoðun að auka beri fjölda þeirra mánaða sem foreldrar geta deilt sín á milli. Bæjarráð telur að treysta verði foreldrum til að taka ákvarðanir hvað þetta varðar sem best henta hverri fjölskyldu fyrir sig. Aðstæður eru afar misjafnar og hætta er á að barnið fari á mis við þau réttindi sem 12 mánaða samvera með foreldrum sínum er ef fjölskyldan fær ekki tækifæri til að ráðstafa þessum tíma eins og best hentar.

Bæjarfulltrúi Frjálsra með Framsókn fagnar frumvarpinu og styður það heilshugar.

Lagt fram til kynningar.

Lagt fram til kynningar.

Bæjarráð samþykkir eftirfarandi bókun:
Tillagan um skákkennslu í skólum landsins er ágæt og án vafa er það snjallt að hvetja nemendur til að tefla. Minnt er samt á að rekstur grunnskólans er á hendi sveitarfélaga og því er það vægast sagt sérstakt að sjá að í tillögunni er ekki gert ráð fyrir aðkomu sveitarfélaga að því samráði sem þarna er stungið uppá. Einnig er minnt á að allar tillögur sem hafa kostnað í för með sér gagnvart sveitarstjórnarstiginu ber að kostnaðarmeta og ræða í framhaldinu hvernig sveitarfélögum verði bættur sá kostnaður sem af hugmyndaauðgi Alþingis hlýst.

Lagt fram til kynningar.

Bæjarráð lýsir yfir áhyggjum af 8,7 milljarða króna kröfu Reykjavíkurborgar á hendur Jöfnunarsjóði sveitarfélaga vegna meintra vangoldinna framlaga og skorar á Reykjavíkurborg að draga kröfuna til baka. Höfuðborgin er kvött til að leita annarra leiða gagnvart ríkisvaldinu til að ná fram þeirri leiðréttingu sem borgin telur sig eiga rétt á og taka í staðin virkan þátt í endurskoðun á regluverki Jöfnunarsjóðsins sem framundan er. Öllum má vera það ljóst að þegar sótt er fram gegn Jöfnunarsjóði með þessum hætti munu framlög til annarra sveitarfélaga skerðast sem því nemur, með ófyrirséðum afleiðingum fyrir sveitarfélögin og íbúa þeirra. Nái krafan fram að ganga þá eru það sveitarfélögin í landinu, í gegnum Jöfnunarsjóð, sem á endanum munu greiða kröfuna í formi skertra framlaga. Með því er ljóst að fjárhagsleg framtíð sveitarfélaga í landinu er í uppnámi.

Bæjarráð leggur til við bæjarstjórn að samþykkt verði að verð fyrir matarbakka hækki og verði kr. 1.100,-. Fyrir akstur verði greiddar kr. 150,-. Samtals greiði notendur kr. 1.250,-pr. heimsendan bakka sem er, þrátt fyrir þessa hækkun, vel undir raunkostnaði. Með þessu móti mun bæjarfélagið greiða um 2,1 m.kr. á ári með heimsendum mat í staðinn fyrir 3,5 m.kr. eins og gert er í dag. Lagt er til að hækkunin taki gildi frá og með 1. janúar 2021.

Bæjarráð samþykkir samninginn og samþykkir jafnframt að fela bæjarstjóra að auglýsa húsnæðið til framtíðarleigu með eðlilegum uppsagnafresti. Horft verður til þess að starfsemi sem þar komi til með að vera lífgi upp á bæjarbraginn og nýtist sem flestum. Umsækjendur skili umsóknum til bæjarráðs fyrir 1. febrúar 2021 þar sem gerð skal grein fyrir eðli þeirrar starfsemi sem fyrirhuguð er og tilboð gert í leigu fyrir húsið. Bæjarráð mun horfa meðal annar til þessara þátta við val sitt á leigutaka.

Bæjarráð leggur til við bæjarstjórn að tilboði lægstbjóðenda Aðalleið ehf verði tekið enda uppfylli tilboð hans skilyrði útboðsgagna.

Bæjarráð styður heilshugar bókun Skipulags- og mannvirkjanefndar og mótmælir harðlega öllum áformum um uppbyggingu virkjunarmannvirkja á þessu svæði. Þarna er löngu nóg að gert en ekki sér enn fyrir endann á þeim afleiðingum sem ágeng notkun Hellisheiðarvirkjunar mun hafa á lífríki og náttúrufar á Hengilsvæðinu. Bæjarráð vill minna á að Hengilssvæðið, sem nær m.a. til hluta Grímsnes og Grafningshrepps og Grændals er á náttúruminjaskrá (752) vegna stórbrotins landslags, fjölbreytni í jarðfræðilegri gerð og jarðhita.

Náttúrufræðistofnun Íslands hefur tilnefnt Grændal í B-hluta náttúruminjaskrár vegna vistgerða á landi og ferskvatnsvistgerða þar sem nýting til orkuvinnslu er talin til helstu ógna og að friða þurfi svæðið fyrir orkuvinnslu. Álftatjörn, Kattartjarnir og stórt landsvæði norðvestur af þeim nýtur hverfisverndar (HV13) sbr. Aðalskipulag Grímsnes og Grafningshrepps 2008-2020 en í greinargerð aðalskipulagsins segir að jarðrask á hverfisverndarsvæðinu sé með öllu óheimilt og einvörðungu verði leyfð takmörkuð mannvirkjagerð sem tengist útivist á svæðinu.

Iðnaðarsvæðið, eins og það er afmarkað á myndum 1-4. í skipulagslýsingu er við austurbakka Álftatjarnar á um 300m breiðri landræmu á milli hverfisverndarsvæðis H13 og Grændalssvæðisins, þar sem náttúra er hvað stórbrotnust á Hengilssvæðinu. Virkjun á þessu svæði með tilheyrandi byggingum, borholum, lögnum og öðrum búnaði myndi hafa ófyrirséð, óafturkræf og óendanlega slæm áhrif á lífríki, umhverfi, útivistarmöguleika og náttúruminjar á þessu fallega ósnortna svæði. Auk þess eru slík áform væntanlega í andstöðu við yfirlýsta stefnu Grímsnes- og Grafningshrepps skv. gildandi aðalskipulagi.

Að mati bæjarráðs liggja almannahagsmunir miklu frekar í verndun svæðisins en röskun þess. Að raska slíku svæði með ófyrirséðum afleiðingum fyrir minniháttar orkunýtingu í sumarhúsahverfi er óráð. Bæjarráð Hveragerðisbæjar mótmælir harðlega fyrirhuguðum virkjunaráformum á Folaldahálsi á jörðinni Króki og krefst þess um leið að þessum áformum verði hafnað þegar í stað.

Fundargerðinar samþykktar samhljóða.

Fundargerðin samþykkt samhljóða.

Lögð fram til kynningar.

Lögð fram til kynningar.

Lögð fram til kynningar.

Lögð fram til kynningar.