Bæjarráð

Í bréfinu óskar Velferðarnefnd Alþingis eftir umsögn um frumvarp til laga um breytingu á lögum um þjónustu við fatlað fólk með langvarandi stuðningsþarfir, nr. 38/2018 (notendaráð), 838.mál

Í bréfinu er rætt hvað Covid-19 faraldurinn hefur haft umtalsverð áhrif á opinber fjármál þ.e. á afkomu og efnahag ríkissjóðs og sveitarfélaga. Hvað sveitarfélögin varða er ljóst að mörg þeirra verða fyrir verulegum búsifjum ekki síst þar sem ferðaþjónustan hefur verið umfangsmikil atvinnugrein. Óskað er eftir því að sveitarfélög skili upplýsingum um fjármál til Samgöngu- og sveitarstjórnarráðuneytis sem fyrst svo hægt sé að fá skýra yfirsýn um stöðu einstakra sveitarfélaga.

Í bréfinu er fjallað um að sveitarfélög geta fengið endurgreiddan virðisaukaskatt vegna vegna vinnu manna við byggingu, endurbætur eða viðhald húsnæðis. Heimildin er á tímabilinu 1. mars 2020 til og með 31.desember 2020.

Í bréfinu er fjallað um þingsályktun sem samþykkt var á Alþingi þann 30. mars síðastliðinn, sérstakt tímabundið fjárfestingaátak til að vinna gegn samdrætti í hagkerfinu í kjölfar heimsfaraldurs kórónuveiru. Í því felst m.a. að varið verður 200 milljónum króna á árinu í uppbyggingu í fráveitumálum hjá sveitarfélögum og veitufyrirtækjum. Einnig er í þinglegri meðferð frumvarp til breytinga á lögum um uppbyggingu og rekstur fráveitna, sem felur í sér að á árunum 2020-2030 verði veitt framlag úr ríkissjóði sem nemur hlutdeild í kostnaði við fráveituframkvæmdir á vegum fráveitna sveitarfélaga eftir því sem nánar er ákveðið í fjárlögum.

Meginmarkmið frumvarpsins er að styrkja fráveituframkvæmdir á vegum fráveitna sveitarfélaga til þess að uppfylla lög um uppbyggingu og rekstur fráveitna, lög um stjórn vatnamála og reglugerð um fráveitur og skólp.

Í bréfinu er boðað til aðalfundar Lánasjóðs sveitarfélaga ohf. vegna ársins 2019 sem haldinn verður 12. júní 2020 á Grand Hótel Reykjavík.

Í bréfinu er boðað til aðalfundar Landskerfis bókasafna hf sem haldin verður fimmtudaginn 11. júní í fyrirlestrarsal í Þjóðarbókhlöðu.

Lagt fram minnisblað frá skrifstofustjóra vegna jafnlaunavottunar fyrir Hveragerðisbæ.
Hveragerðisbær hefur nú fengið jafnlauna vottun samkvæmt ÍST 85:2012 og heimild til að nota jafnlaunamerkið á heimasíðu og í efni bæjarins.

Lagður fram þjónustusamningur milli Hveragerðisbæjar og Handverks og hugvits undir Hamri þar sem leirlistahópurinn fær rétt til afnota af Hveraportinu, Breiðumörk 21 samningur þessi gildir til 31. ágúst 2022.