Bæjarráð

Í bréfinu er rætt um jafnlaunavottun. Hveragerðisbær þarf að innleiða jafnlaunakerfi samkvæmt Jafnlaunastaðli ÍST 85 fyrir 31. desember 2019.

Fyrir fundinum liggur eftirfarandi tillaga vinnuhóps um heimavist við FSu að sameiginlegri ályktun sveitarfélaga á Suðurlandi;

Sveitarfélög sem eru eigendur að Fjölbrautaskóla Suðurlands (FSu) krefjast þess að starfrækt verði heimavist við skólann. Sveitarfélögin skora á mennta- og menningarmálaráðherra að beita sér í málinu og skora jafnframt á skólanefnd og stjórnendur skólans til að vinna að uppbyggingu heimavistar.

Greinargerð:
Frá og með árinu 2016 var starfsemi heimavistar við Fjölbrautaskóla Suðurlands hætt. Ungmenni af stóru svæði sem þessi sveitarfélög spanna eiga þess ekki kost að nýta sér almenningssamgöngur til að sækja nám og því er um alvarlegan forsendubrest samstarfs um skólann að ræða. Til þess að ungmenni þessa svæðis njóti jafnréttis til náms er mikilvægt að unnið verði hröðum höndum við að koma upp heimavist við skólann.

Í bréfinu er rætt um ensk nöfn á íslenskum stöðum. Örnefnanefnd mælir með því að reynt verði að finna leiðir til að bregðast við ef ensk nöfn á íslenskum stöðum eru líkleg til að festast í sessi.
Örnefnanefnd beinir því þeim tilmælum til sveitarfélaga að hafa frumkvæði að því að gefa stöðum nöfn þegar þörf á því kemur upp en sporna þarf gegn óviðunandi nafni sem annars gæti fest í sessi.

Í bréfinu er farið yfir stöðuna í kjaramálum félagsmanna Eflingar - stéttarfélags sem starfa hjá sveitarfélögum.
Efling - stéttarfélag óskar eftir því að sveitarfélög greiði starfsmönnum sem starfa eftir samningi Eflingar sömu innágreiðslu og samninganefnd Sambands íslenskra sveitarfélaga hefur samið um við önnur stéttafélög.

Með bréfinu fylgdu drög að stefnu um meðhöndlun úrgangs. Óskað er eftir að hluteigandi haghafar geri athugasemdir við stefnuna fyrir 23. ágúst n.k.

Lögð fram drög að þjónustusamningi við Reykjadalsfélagið um rekstur á Árhólmasvæðinu.

Jóna Birna Jónsdóttir starfsmaður á leikskólanum Óskalandi óskar eftir styrk vegna diplómanáms í leikskólafræðum í háskóla.