Þann 1. september kl 11:30 verður KK með hádegistónleika fyrir sundlaugagesti.

Tónlistarmaðurinn og trúbadorinn Kristján Kristjánsson, betur þekktur sem KK , heiðrar Sundlaugina Laugaskarði á 80 ára afmælinu enda vanur að stíga ölduna á sjó.

Þennan dag eru félagar í sunddeild UFHÖ sérstaklega velkomnir.

Ester Hjartardóttir sundþjálfari UFHÖ til margra ára, verður með sundæfingu fyrir gamla félaga eftir tónleika.

Búið er að stofna fésbókarhóp, Sunddeild UFHÖ og eru gamlir félagar hvattir til að fara í hópinn.

Sundeildarfélagar munu síðan njóta dagsins og rifja upp gamlar minningar.