Dagforeldrar

Dagforeldrar eru sjálfstæðir verktakar, en félagsmálastjóri hefur umsjón og eftirlit með starfsemi þeirra og ráðgjöf við dagforeldra og foreldra. Allir sem fá starfsleyfi til daggæslu í heimahúsum þurfa að uppfylla skilyrði sbr. reglugerð nr. 907/2005 um daggæslu í heimahúsum frá maí 2002.

Umsókn um daggæslu barna í heimahúsi.

Að velja dagforeldra

Þegar foreldrar velja dagforeldri fyrir barn sitt er ráðlagt að þeir kynni sér vel þá þjónustu sem er í boði og kanni allar aðstæður á heimilinu sem nýttar eru til starfsins, t.d leikaðstöðu bæði úti og inni, hvíldaraðstöðu og leikfangakost. Mælt er með að foreldrar kynni sér starfsemi og aðstæður hjá fleiri en einu dagforeldri og velji síðan þann aðila sem þeim líst best á. Ráðlagt er að gera skriflegan samning milli foreldra og dagforeldra um dvalartíma barns og gjald fyrir dvölina. Bent er á að ákvörðun um vistun barns er ætíð á ábyrgð foreldra.

Bæjarstjórn Hveragerðis hefur samþykkt að öll daggæsla í heimahúsum er niðurgreidd af Hveragerðisbæ samkvæmt ákveðnum reglum:

Reglur um niðurgreiðslur gjalda vegna barna hjá dagforeldrum:

Hjón/sambúðarfólk niðurgreiðslur frá 9 mánaða aldri og þar til barn fer á leikskóla (18 mán).
Einstætt foreldri niðurgreiðslur frá 6 mánaða og þar til barn fer á leikskóla.

Hjón og sambúðarfólk

Greitt niður kr. 7.660 pr mánaðarklukkustund

4 klst - 30.640 kr.
5 klst - 38.300 kr.
6 klst - 45.960 kr.
7 klst - 53.620 kr.
8 klst - 61.280 kr.

Einstæðir, báðir foreldrar í námi,

Greitt niður kr. 8.864 pr. mánaðarklukkustund

4 klst - 35.456 kr.
5 klst - 44.320 kr.
6 klst - 53.184 kr.
7 klst - 62.048 kr.
8 klst - 70.912 kr.

Systkinaafsláttur er veittur hvort sem systkini eru hjá dagmæðrum, leikskóla eða í skólaseli. Yngsta systkini fær engan afslátt, næst yngsta 30%, gjaldfrjálst fyrir önnur eldri. Veittur er 5% afsláttur hafi foreldrar / forráðamenn sótt foreldrafærninámskeið.

Ef annað barn hjá dagmömmu og hitt á leikskóla er systkinafsláttur tekinn af leikskólagjaldinu.

Dagforeldrar

Hjördís H. Wiium Guðlaugsdóttir

Arnarheiði 1
Sími: 848-1292
harpawiium@simnet.is

Marta Sigurðardóttir

Arnarheiði 27
Gsm: 660-7793

Heimasíða félags dagforeldra á Suðurlandi