Sumartilboð fyrir börn og unglinga

Menningar-, íþrótta- og frísstundasvið Hveragerðisbæjar gefur út sumarblað á hverju ári. Í blaðinu má finna upplýsingar um fjölbreytt barna- og unglingastarf sem íþróttafélagið Hamar, Golfklúbbur Hveragerðis, Hestamannafélagið Ljúfur og menningartengd starfsemi bjóða upp á. Í ár kemur blaðið út í í lok maí.

Á sumrin er fjör í Sundlauginni Laugaskarði.  Ný þrautabraut (Wibit) verður í lauginni um helgar og hlutar úr brautinni verða opnir á góðviðrisdögum. Fylgist vel með facebook síðu laugarinnar, sundlaugin Laugaskarði. Við hliðina á sundlauginni eru tveir strandblakvellir sem tilvalið er að prófa. Hægt er að fá lánaðan blakbolta í afgreiðslu laugar.

Það er gaman í sundi Frábær þrautabraut fyrir alla hugaða

Tveir strandblakvellir eru fyrir austan sundlaugina

Nú í sumar er mikilvægt að allir taki höndum saman og hugi að öryggismálum í sumarleikjum.  Trampolín eru nokkuð algeng í görðum og er brýnt að foreldrar brýni fyrir börnum sínum aðgát og setji upp öryggisnet.  Munum líka eftir hjálmunum í sumar, hvort sem við erum á hjóli, hestbaki, línuskautum eða brettum.

Reynslan hefur sýnt að foreldrar sem taka virkan þátt í lífi barna sinna eru besta forvörnin.  Samvera foreldra og barna er afar mikilvæg og gefast mörg tækifæri til slíkra stunda á sumrin.  Góðar samverustundir fjölskyldunnar búa til góðar minningar. 

       Jóhanna M. Hjartardóttir
       Menningar- og frístundafulltrúi