Flytja til Hveragerðis

Hveragerðisbær býður nýja íbúa hjartanlega velkomna. Hér er að finna gagnlegar upplýsingar ef flutt er til Hveragerðisbæjar. Meðal annars um hvert á að skila inn flutningstilkynnningu, flutning síma, hitaveitu, rafveitu, ýmislegt varðandi húsnæðismál og um innritun barna í leik- og grunnskóla.

Flutningstilkynning:

Búferlaflutninga ber að tilkynna á bæjarskrifstofu Hveragerðisbæjar innan við viku frá flutningi. Umsóknareyðublöð liggja í afgreiðslu. Einnig er hægt að nálgast eyðublöð með rafrænum hætti á heimasíðu Þjóðskrár og skila útfylltum á bæjarskrifstofuna.

Flutningur síma:

Hægt er að flytja gamla símanúmerið með sér hvert á land sem er. Þeir sem eru að sækja um símanúmer í fyrsta skipti skulu snúa sér til þjónustumiðstöðvar Símans á Selfossi.

TRS-Penninn

Eyrarvegur 37
Sími: 480-3300
Veffang: http://www.siminn.is

Hitaveita:

Orkuveita Reykjavíkur sér um hitaveitu í Hveragerði. Þjónustuver OR í Hveragerði er staðsett hjá Sparisjóðnum í Verslunarmiðstöðinni við Sunnumörk.
Bilanavakt - 516-6200
Opið allan sólarhringinn
Þjónustuver - 516-6100

Rafveita:

Rarik sér um raforkusölu í Hveragerði.
Veffang: http://www.rarik.is

Lóðir til nýbygginga:

Tæknideild Hveragerðisbæjar veitir allar upplýsingar um lóðir og framkvæmdir.

Kaup á nýju og notuðu húsnæði:

Fjöldi fasteignasala er starfandi á Suðurlandi sem sinna öllu svæðinu en í Hveragerði eru eftirtaldar fasteignasölur með starfsemi.

Byr fasteignasala

Austurmörk 4
Sími: 483-5800
Veffang: http://www.byrfasteign.is

Gimli fasteignasala

Breiðumörk 13
Sími: 483-5900
GSM: 892-9330
Veffang: http://www.gimli.is/sudurland

Leiguhúsnæði:

Eyðublöð fyrir gerð húsaleigusamninga er hægt að nálgast í afgreiðslu Hveragerðisbæjar. Upplýsingar um rétt til húsaleigubóta og afgreiðslu þeirra veitir María Kristjánsdóttir, félagsmálastjóri. Umsóknareyðublöð, lög og reglugerðir fást í afgreiðslu.
Nánari upplýsingar má nálgast hjá félagsmálaráðuneytinu.

Innritun í leikskóla

Í Hveragerði eru reknir tveir leikskólar, Undraland og Óskaland. Foreldrar og forráðamenn með lögheimili í Hveragerði geta sótt um pláss í leikskóla frá 1 árs aldri barns. Leikskólastjóri Óskalands tekur við umsóknum í síma: 483-4139.

Innritun í grunnskóla

Grunnskólinn í Hveragerði er rekinn í samvinnu Hveragerðisbæjar og Sveitarfélagsins Ölfuss. Innritun nýrra nemenda fer fram á skrifstofu skólans eða í síma: 483-4350.