1. júní 2017

676. fundur bæjarráðs Hveragerðis

haldinn í fundarsal Sunnumörk 2, fimmtudaginn 1. júní 2017 kl. 08:00.

Fundinn sátu:

Unnur Þormóðsdóttir formaður, Friðrik Sigurbjörnsson, Garðar R. Árnason, Aldís Hafsteinsdóttir bæjarstjóri og Helga Kristjánsdóttir skrifstofustjóri.

Fundargerð ritaði: Helga Kristjánsdóttir, skrifstofustjóri.

Unnur Þormóðsdóttir formaður setti fund og stjórnaði. Leitaði hún eftir athugasemdum við fundarboð en engar komu fram.

Dagskrá:

1.Bréf frá nefndasviði Alþingis frá 26. maí 2017. - 1705053

Í bréfinu er óskað eftir umsögn um frumvarp til laga um réttindi og skyldur starfsmanna ríkisins (brottfall kröfu um ríkisborgararétt), 289. mál.

Lagt fram til kynningar.

Fylgiskjöl:

Bréf frá nefndasviði Alþingis frá 26. maí 2017. - 1705053

2.Bréf frá Sýslumanninum á Suðurlandi frá 23. maí 2017. - 1705044

Í bréfinu er óskað eftir umsögn Hveragerðisbæjar vegna umsóknar Marteins Þórssonar f.h. Hinnar íslensku frásagnarakademíu ehf um gistihúsaleyfi í flokki II fyrir Backyard Village að Laufskógum 11.

Bæjarráð gerir ekki athugasemdir við umsóknina. Bæði afgreiðslutími og staðsetning er innan marka sem reglur og skipulag sveitarfélagsins segja til um.

Fylgiskjöl:

Bréf frá Sýslumanninum á Suðurlandi frá 23. maí 2017. - 1705044

3.Bréf frá Sýslumanninum á Suðurlandi frá 23. maí 2017. - 1705043

Í bréfinu er óskað eftir umsögn Hveragerðisbæjar vegna umsóknar Sveins Gíslasonar f.h. Reykjadals Guesthouse um gistihúsaleyfi í flokki II að Heiðmörk 27.

Bæjarráð gerir ekki athugasemdir við umsóknina. Bæði afgreiðslutími og staðsetning er innan marka sem reglur og skipulag sveitarfélagsins segja til um.

Fylgiskjöl:

Bréf frá Sýslumanninum á Suðurlandi frá 23. maí 2017. - 1705043

4.Bréf frá samgöngunefnd SASS frá 17. maí 2017. - 1705051

Í bréfinu er samgöngunefnd sem stjórn SASS hefur skipað kynnt, en nefndinni er ætlað að vinna tillögu að samgönguáætlun fyrir Suðurland til næstu 10 ára. Nefndin óskar eftir upplýsingum frá sveitarfélögum á Suðurlandi um helstu forgangsverkefni í samgöngumálum 2017-2026.

Bæjarráð fagnar skipan nefndarinnar og notar um leið tækifærið og minnir á mikilvægi vegbóta á milli Hveragerðis og Selfoss en sá vegkafli er einn hættulegasti vegkafli landsins. Inn á veginn tengist fjöldi hliðarvega sem skapar gríðarlega hættu sérstaklega þar sem umræddur vegur er einn fjölfarnasti vegur landsins. Mikilvægt er að ekki komi hik á þær framkvæmdir sem þar eru fyrirhugaðar. Ávallt þarf að hafa í huga að Suðurlandsvegur um Hellisheiði er fjölfarinn fjallvegur og því þarf bæði vetrarþjónusta og viðhald að taka mið af þeirri staðreynd. Á allri leiðinni frá Reykjavík til Selfoss þarf að muna eftir þeim fjölda hjólandi vegfarenda sem um veginn fara en hjólreiðar á Suðurlandsvegi eru hreinlega lífshættulegar eins og ástand vegarins er nú. Bæjarráð ítrekar fyrri afstöðu þar sem hugmyndum um veggjöld var með öllu hafnað.

Fylgiskjöl:

Bréf frá samgöngunefnd SASS frá 17. maí 2017. - 1705051

5.Bréf frá íbúum við Heiðmörk 18-28 frá 21. maí 2017. - 1705046

Í bréfinu óska íbúar við Heiðmörk 18-28 eftir að Hveragerðisbær gangi frá götunni.

Bæjarráð samþykkir að þegar verði hafist handa við hönnun götunnar og felur bæjarráð skipulagsfulltrúa að vinna tillögu sem best þjónar hagsmunum íbúa. Með því að klára hönnun núna í sumar verður hægt að bjóða verkið út snemma árs 2018 með það fyrir augum að því ljúki snemmsumars það ár.

Fylgiskjöl:

Bréf frá íbúum við Heiðmörk 18-28 frá 21. maí 2017. - 1705046

6.Bréf frá Hótel Örk frá 17. maí 2017. - 1705049

Í bréfinu óskar Hótel Örk eftir leyfi til að nýta hluta efnis úr grunni til að fylla upp landsvæði fyrir framan hótelið og stækka þannig golfvöll sem þar er í dag.

Bæjarráð leggur til við bæjarstjórn að eftirfarandi verði samþykkt:

Bæjarráð minnir á að lóðin fyrir framan Hótel Örk er skilgreind sem verslunar- og þjónustusvæði í því endurskoðaða aðalskipulagi sem nú er unnið að. Með færslu Suðurlandsvegar verður þessi lóð enn verðmætari fyrir bæjarfélagið þar sem tengingar inná svæðið verða einfaldari en er í dag. Í ljósi þessa er ekki talið ráðlegt að heimila nýtingu uppgraftrar til landmótunar á svæðinu enda myndi slíkt eingöngu auka kostnað lóðarhafa í framtíðinni. Aftur á móti sér bæjarráð ekkert því til fyrirstöðu að eigendur Hótels Arkar í samvinnu við Golfklúbb Hveragerðis formi umrædda lóð og nýti sem golfvöll þar til lóðinni verður úthlutað til annarra nota. Bæjarstjóra er falið að gera samning við Hótel Örk um tímabundinn afnotarétt af lóðinni er væri án allrar skuldbindingar af hálfu bæjarins.

Fylgiskjöl:

Bréf frá Hótel Örk frá 17. maí 2017. - 1705049 1/3
Bréf frá Hótel Örk frá 17. maí 2017. - 1705049 2/3
Bréf frá Hótel Örk frá 17. maí 2017. - 1705049 3/3

7.Minnisblað: Fráveita að Þinghúsinu Breiðumörk 25. - 1705055

Lagt fram minnisblað frá skipulagsfulltrúa frá 26. maí 2017 vegna fráveitu í miðbæ Hveragerðis.

Bæjarráð samþykkir að lagfæringar verði gerðar á fráveitulögnum í samræmi við tillögur í minnisblaði skipulagsfulltrúa. Kostnaði verði mætt með auknum tekjum vegna gatnagerðargjalda í bæjarfélaginu.

Fylgiskjöl:

Minnisblað: Fráveita að Þinghúsinu Breiðumörk 25. - 1705055 1/2
Minnisblað: Fráveita að Þinghúsinu Breiðumörk 25. - 1705055 2/2

8.Minnisblað: Tillaga um að leiksvæði í Heiðarbrún verði breytt í einbýlishúsalóð. - 1705057

Lagt fram minnisblað frá Skipulagsfulltrúa frá 30. maí 2017 þar sem gerð er tillaga um að leiksvæði í Heiðarbrún verði breytt í einbýlishúsalóð.

Bæjarráð leggur til við bæjarstjórn að tillagan verði kynnt formlega fyrir nágrönnum með grenndarkynningu í samræmi við 44. gr. skipulagslaga nr. 123/2010 að undangenginni umfjöllun skipulags- og mannvirkjanefndar.

Fylgiskjöl:

Tillaga um að leiksvæði í Heiðarbrún verði breytt í einbýlishúsalóð. - 1705057

9.Lóðaumsókn Heiðmörk 46. - 1705058

Sturla Rúnar Sigurðsson sækir um lóðina Heiðmörk 46.

Bæjarráð samþykkir að úthluta Sturlu Rúnari Sigurðssyni umræddri lóð í samræmi við skilmála sem gilda um lóðaúthlutun í Hveragerði.

Fylgiskjöl:

Lóðaumsókn Heiðmörk 46. - 1705058

10.Samningar um auglýsingastand við Suðurlandsveg. - 1705054

Lögð fram drög að eignarhaldssamningi og þjónustusamningi við Dengsa ehf vegna auglýsingastands við hringtorg við Suðurlandsveg í Hveragerði.

Bæjarráð samþykkir að fela bæjarstjóra að ganga frá samningum við Dengsa ehf á grundvelli þeirrar umræðu sem fram fór á fundinum.

11.Leikskóli, Þelamörk 62, verkfundargerð frá 24. maí 2017. - 1705050

Fundargerðin samþykkt samhljóða.

Fylgiskjöl:

Leikskóli, Þelamörk 62, verkfundargerð frá 24. maí 2017. - 1705050

12.Verkfundargerð gatnagerð Hjallabrún frá 24. maí 2017. - 1705048

Fundargerðin samþykkt samhljóða.

Fylgiskjöl:

Verkfundargerð gatnagerð Hjallabrún frá 24. maí 2017. - 1705048

13.Fundargerð Heilbrigðisnefndar Suðurlands frá 12. maí 2017. - 1705045

Fundargerðin lögð fram til kynningar.

Fylgiskjöl:

Fundargerð Heilbrigðisnefndar Suðurlands frá 12. maí 2017. - 1705045

14.Fundargerð stjórnar Sambands íslenskra sveitarfélaga frá 19. maí 2017. - 1705052

Bæjarráð fagnar afgreiðslu stjórnarinnar á lið 6, mat á kostnaði við leikskóla frá 12 mánaða aldri og lengingu fæðingarorlofs, en erindi um málið var sent frá Hveragerðisbæ nýverið.

Fundargerðin að öðru leyti lögð fram til kynningar.

Fylgiskjöl:

Fundargerð stjórnar Sambands íslenskra sveitarfélaga frá 19. maí 2017. - 1705052

Fundargerð upp lesin og samþykkt.

Fleira ekki gert og fundi slitið kl. 10:00

Unnur Þormóðsdóttir

Friðrik Sigurbjörnsson

Garðar R. Árnason

Aldís Hafsteinsdóttir

Helga Kristjánsdóttir