Varmahlíðarhúsið

Gestaíbúð fyrir listamenn

Varmahlíð 31 Varmahlíðarhúsið er eitt elsta íbúðarhús Hveragerðisbæjar reist árið 1929. Húsið er einlyft, bárujárnsklætt timburhús með lágreistu mænisþaki. Húsið hefur hlotið faglega endurgerð. Þar er nú gestaíbúð fyrir listamenn en húsið er fullbúið með húsgögnum og tækjum. Afnot af húsinu eru endurgjaldslaus fyrir listamennina en óskað er eftir að listamenn kynni listsköpun sína og stuðli með þeim hætti að því að efla menningaráhuga uppvaxandi kynslóðar í Hveragerði.

Menningar- íþrótta- og frístundanefnd Hveragerðisbæjar auglýsir árlega í nóvember eftir umsóknum um dvöl í listamannahúsinu Varmahlíð í Hveragerði.

Allar frekari upplýsingar veitir Jóhanna Margrét Hjartardóttir, jmh@hveragerdi.is eða á skrifstofu Hveragerðisbæjar í síma 483 4000.

Umsóknareyðublöð má nálgast á heimasíðu Hveragerðisbæjar undir eyðublöð

Hér má sjá úthlutunarreglurnar.

Reglur um úthlutun listamannaíbúðar