Fjölbreytt dagskrá á "Blómstrandi dögum".

skrifað 04. ágú 2017
IMG_3429 - CopyIMG_3429 - Copy

Velkomin á Blómstrandi daga í Hveragerði 17. - 20. ágúst

Dagskrá Blómstrandi daga 2017

Blómstrandi dagar kort

Frábær tónlistarveisla og fjör alla helgina.

Það er skemmtileg stemning þegar hin árlega bæjarhátíð er í bænum. Það verður fjölbreytt dagskrá fyrir alla fjölskylduna og margt í boði. Markaðstorg með grænmeti, handverki og bókum ásamt fjölbreyttum sýningum eru áberandi. Einnig verða opnar vinnustofur og gallerí hjá fjölmörgum listamönnum.

Fjölskyldudagskrá verður í Lystigarðinum þar sem koma fram tónlistarmenn úr bænum, Hljómlistarfélag Hveragerðis, Vegan klíkan, Björgvin Frans og Bíbí, Diskótekið Dísa og Leikhópurinn Lotta

Síðan má skemmta sér í veltibílnum, aparólu, vatnabolta, bubble bolta, tívolí o.fl.

Ísdagurinn hefur mikið aðdráttarafl en það verður gaman að smakka allskyns furðubrögð og fleiri tegundir þegar Kjörís heldur sína árlegu hátíð en þar verður einnig skemmtidagskrá á sviði og kraftakeppni með Hjalta Úrsus.

Fleiri þjónustufyrirtæki í bænum bjóða uppá dagskrá.

Vönduð tónlistardagskrá verður alla dagana þar sem m.a. Ágústa Eva, Jónas Sig og Ritvélarnar og Hörður Torfason koma fram.

Hin árlega brenna og brekkusöngur verður í Lystigarðinum á laugardagskvöldinu og stórglæsileg flugeldasýning sem engin má missa af.

Hljómsveitin Made in Sveitin leikur á Blómadansleiknum.

Það er tilvalið að heimsækja bæinn og njóta þess sem er í boði.

Við bjóðum alla velkomna.

IMG_5957IMG_8945IMG_6002IMG_8919Fjölbreytt dagskrá á "Blómstrandi dögum".