Lýðheilsugöngur í Hveragerði

skrifað 04. sep 2018
byrjar 05. sep 2018
 
Göngugarpar með Huldu sem er lengst til hægri.

Lýðheilsugöngur Ferðafélags Íslands (FÍ) verða vítt og breitt um landið nú í september. Göngurnar munu fara fram alla miðvikudaga í septembermánuði kl. 18:00. Hulda Svandís Hjaltadóttir verður göngustjóri í Hveragerði og hefst fyrsta gangan á miðvikudaginn 5. september.

Upphafsstaður göngunnar er við Íþróttahúsið í Hveragerði kl. 18:00

Göngur í Hveragerði:

  • 5. september Gengið með Varmá og Reykjafjalli
  • 12. september Gengið um skógræktina og Hamarinn
  • 19. september Hamarinn endilangur.
  • 26. september Gengið upp gömlu Kamba.

Þetta eru fjölskylduvænar göngur sem taka u.þ.b. 60-90 mínútur og er tilgangur þeirra að hvetja fólk til útivistar og hreyfingar í góðum félagsskap og efla þar með heilsu sína og lífsgæði.

Allar upplýsingar um göngustaði vítt og breitt um landið má nálgast á heimasíðu verkefnisins http://www.fi.is/lydheilsa/

Vonandi reima sem flestir á sig gönguskóna með okkur á miðvikudögum í september, fara út í náttúruna og njóta fallega landsins okkar.

LIFUM OG NJÓTUM!